rKTs

e-texts navigator

Volume

Page

94a₁ ni gnas pa med cing mi dmigs te/ gang zad pa de ni dmigasu med do/ /gang ma phyin pa de ni mi skye ba'i mtshan nyid do/ /de bzhin du gang da ltar byung ba de yang chos nyid kyis mi gnas so/ /chos nyid gang yin pa de yang ma skyes pa'o/ /
94a₂ gang ma skyes pa de ni 'das pa 'ang ma yin/ ma 'ongs pa yang ma yin/ da ltar byung ba yang ma yin no/ /gang 'das pa'ang ma yin/ ma 'ongs pa yang ma yin/ da ltar byung ba yang ma yin pa de ni rang bzhin no/ /rang bzhin gang yin pa de ni ma
94a₃ skyes pa ste/ tshangs pa dus gsum mnyam pa nyid dang ldan pa'i brtson 'grus rtsom pa de lta bu 'di ni lung bstan pa myur du thob par byed do/ /tshangs pa byang chub sems dpa' bzod pa de lta bu dang ldan pa ni chos thams cad gtong ba med pa'i sbyin pa la
94a₄ mos so/ /chos thams cad srung ba med pa'i tshul khrims la mos so/ /chos thams cad rlom sems med pa'i bzod pa la mos so/ /chos thams cad rtsom pa med pa'i brtsond grus la mos so/ /chos thams cad mnyam pa nyid
94a₅ kyi ting nge 'dzin la mos so/ /chos thams cad rnam par mi rtog pa'o zhes shes rab la mos so/ /de de ltar mos pas lhag par mi byed/ bri bar mi byed/ byed pa ma yin/ rnam par byed pa ma yin no/ /sbyin pa yang sbyin par byed la de 'ang
94a₆ rnam par smin pa la mi re bas so/ /tshul khrims kyang srung la de'ang sgro btags pa med pas so/ /bzod pa yang sgom la de'ang phyi nang stong pa nyid kyis so/ /brtson 'grus kyang rtsom la de'ang yongasu grub pa med pas so/ /bsam gtan la
94a₇ yang mnyam par gzhog la de yang gnas pa med pas so/ /shes rab kyang sgom la de yang mtshan ma med pas so/ /tshangs pa byang chub sems dpa' bzod pa de lta bu dang ldan pa ni bya ba thams cad kyang ston la bya bas kyang mi gos so/ /
94a₈ de mi gos pas chos thams cad la mnyam pa nyid thob cing rnyed pas kyang mi 'phrogs/ rnyed pa med pas kyang ma yin/ snyan pas kyang ma yin/ mi snyan pas kyang ma yin/ dman pas kyang ma yin no/ bstod pas kyang ma yin/

_{iiif viewer powered by OpenSeadragon}

93b - 94b

Texts on this page