rKTs

e-texts navigator

Volume

Page

93a₁ pa de ni tshangs par spyod pa la gnas pa yin te/ tshangs pa mdor na gang chos thams cad mi gnas pa de ni tshangs par spyod pa la gnas pa'o/ /smras pa/ lha'i bu tshangs par spyod pa la gnas pa zhes bya ba de gang gi tshig
93a₂ bla dgas yin smras pa/ tshangs par spyod pa la gnas zhes bya ba ni tshangs pa gnyis su med pa'i lam la rab tu gnas pa'i tshig bla dgas so/ /smras pa/ lha'i bu lam la rab tu gnas pa yang ci la rab tu gnas pa yin/ smras pa/
93a₃ tshangs pa lam la rab tu gnas pa zhes bya ba de chos thams cad la rab tu gnas pa med pa'i tshig bla dgas so/ /de ci'i phyir zhe na/ rab tu gnas pa med pa dang / len pa med pa de ni lam la rab tu gnas pa'o/ /smras pa/ lha'i bu ji
93a₄ ltar bsgom pa na lam sgom pa yin/ smras pa/ tshangs pa ji nas kyang dngos po dang dngos po med par mi ltung ba dang / chos gang yang dngos por yang mi byed/ dngos po med par mi byed par sgom pa ste/ de ltar bsgom na lam sgom pa la brtson
93a₅ pa yin no/ /smras pa/ lha'i bu gang gis bsgom par bya/ /smras pa/ tshangs pa mthong bas ma yin/ thos pas ma yin/ dran pas ma yin/ rnam par rig pas ma yin/ thob pas ma yin/ mngon du byas pas ma yin te/ gang
93a₆ chos thams cad la mi sgom pa 'di ni lam sgom pa'o/ /smras pa/ lha'i bu ji ltar na byang chub sems dpa' brtson 'grus kyi go cha sra ba bgos pa zhes bya/ smras pa/ tshangs pa byang chub sems dpa' gang chos gang la yang gcig pa 'am
93a₇ tha dad par yang dag par rjes su mi mthong ba 'di ni byang chub sems dpa' brtson 'grus kyi go cha sra ba bgos pa zhes bya'o/ /gang chos kyi dbyings ma 'dres pa'i phyir chos gang la yang 'byed par mi byed sbyor bar mi byed de/ chos kyi dbyings ma gtogs
93a₈ par kun nas nyon mongs pa dang / rnam par byang ba mi mthong ba 'di ni byang chub sems dpa'i brtson 'grus rtsom pa'i mchog go/ /gang chos thams cad la bsal ba dang bzhag pa med pa 'di ni brtson 'grus rtsom pa'o/ /tshangs pa gang la lus dang / ngag dang

_{iiif viewer powered by OpenSeadragon}

92b - 93b

Texts on this page