rKTs

e-texts navigator

Volume

Page

92b₁ te de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo bsgyur ba/ lha dang mi rnams kyi
92b₂ ston pa sangs rgyas bcom ldan 'das ri rab sgron ma'i rgyal po zhes bya bar 'jig rten du 'byung bar 'gyur te/ de'i sangs rgyas kyi zhing de yang bai dUr+ya dang / 'dzam bu chu bo'i gser dang / rin po che gnyis kyi gzhir 'gyur ro/ /
92b₃ de'i byang chub sems dpa' dge 'dun 'ba' zhig 'byung ste bdud dang phyir rgol ba bcom zhing dpa' bo sha stag go/ /sangs rgyas kyi zhing de na bza' ba dang / btung ba yang bsam pa tsam gyis 'byor cing dga' ldan gyi longs spyod dang
92b₄ 'dra bar 'gyur ro/ /de bzhin gshegs pa de tshe dpag tu med cing ltung ba med pa'i chos ston par 'gyur/ khyad par sems kyis smras pa/ lha'i bu khyod de bzhin gshegs pas lung bstan to/ /smras pa/ tshangs pa bdag ni de bzhin
92b₅ nyid dang / chos kyi dbyings ji lta ba bzhin du lung bstan to/ /smras pa/ lha'i bu de bzhin nyid dang / chos kyi dbyings ni lung mi bstan to/ /smras pa/ ji ltar de bzhin nyid dang / chos kyi dbyings lung mi bstan pa bzhin du byang chub sems dpa'
92b₆ thams cad la lung bstan pa yang de ltar blta'o/ /smras pa/ lha'i bu de 'ang da khyod de ltar de bzhin gshegs pas lung bstan pas na khyod sngon gyi yang dag par rdzogs pa'i sangs rgyas rnams kyi drung du tshangs par spyad pa la gnas pa ni don med
92b₇ pa ma yin no/ /smras pa/ tshangs pa gang gnas med pa de ni tshangs par spyod pa la gnas pa'o/ /smras pa/ lha'i bu de ltar gang la gnas pa med pa de ni tshangs par spyod pa la gnas pa yin/ smras pa/ tshangs pa gang khams gsum la mi
92b₈ gnas pa de ni tshangs par spyod pa la gnas pa'o/ /tshangs pa gang yang khams gsum la gnas pa de ni tshangs par spyad pa la gnas pa ma yin no/ /gzhan yang tshangs pa gang bdag mi gnas/ sems can dang / srog dang / gang zag la mi gnas

_{iiif viewer powered by OpenSeadragon}

92a - 93a

Texts on this page