| e-texts navigator |
| བོད་ཡིག |
91b1 deng 'dir lha'i bus seng ge'i sgra 'di bsgrags pas 'dzam bu gling du chos kyi 'khor lo bskor ba lan gnyis byung ngo / /de nas bcom ldan 'das kyis de'i tshe 'dzum pa mdzad pa dang / chos nyid kyis 'di ltar 'gyur te/ nam sangs rgyas bcom ldan 'das
91b2 'dzum pa mdzad pa de'i tshe 'od zer kha dog sna tshogs 'di lta ste/ mthing ka dang / ser po dang / dmar po dang / dkar po dang / le brgan dang / shel dang / dngul gyi kha dog lta bu zhal nas byung ste/ 'jig rten gyi khams mtha' yas pa khyab par
91b3 byas nas tshangs pa'i 'jig rten gyi bar du mngon par 'phags te phyir log nas/ bcom ldan 'das la lan gsum bskor ba byas nas bcom ldan 'das kyi spyi bor mi snang bar gyur to// // bam po drug pa ste tha ma/
91b4 de nas bcom ldan 'das la tshangs pa khyad par sems kyis tshigasu bcad pa 'di dag gis mngon par bstod do/ /ye shes kun mchog pha rol phyin cing thub pa kun mkhyen kun gzugs gnon/ /'di la dus gsum sems can spyod pa sna tshogs
91b5 ci mchis khyod kyis mkhyen/ /gang de shin tu grol ba'i blo yul gang yang de dag bsam pa rnams/ /lha yi gtso bo kun mkhyen 'dzum mdzad 'di yi rgyu ni lung bstan gsol/ /nyan thos rang rgyal dgra bcom dri med de dag gis yang spyod yul
91b6 min/ /sangs rgyas ye shes bsam mi khyab cing mtha' bral khyod la chags pa med/ /khyod kyis sems can spyod pa sems can gang la ci 'dra'i gtam brjod mkhyen/ /smra mchog thub dka' tshig dbang 'dzum pa mdzad pa'i rgyu ni
91b7 bstan par gsol/ /'od 'di shin tu yid 'ong sdug pa dri med rab tu rnam par mdzes/ /nyi zla'i 'od dang de bzhin tshangs pa dbang po'i gzi yang zil gyis gnon/ /de bzhin 'khor yug khrag khrig ri rab dag kyang shin tu snang bgyis na/ /
91b8 ci slad khyod kyis 'dzum mdzad de'i rgyu ni rab tu bstan par gsol/ /'dod chags zhe sdang dregs la sogs pa zug rngu bral zhing rab tu zhi/ /'jig rten lha mi lto 'phye'i tshogs rnams byams pas bdag po khyod zhal lta/ /bde gshegs
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo