rKTs

e-texts navigator

Volume

Page

90b₁ yang de lta ba ma mchis pa de ltar spobs so/ /ji ltar ma mos pa rnams kyang mos par bgyid la mos pa rnams kyang rnam par 'grol ba de de ltar spobs so/ /mngon pa'i nga rgyal can rnams kyang tshar bcad par 'gyur la/ nga rgyal ma mchis
90b₂ pa kun 'tshal ba lan ldon pa de ltar spobs so/ /ji ltar bdud kyis klags mi rnyed pa de ltar spobs so/ /gang de ltar nyan pa de dag kyang bdud kyi las las 'das par 'gyur ro/ /ji ltar dge ba'i rtsa ba ma bskyed pa rnams bskyed pa dang / dge
90b₃ ba'i rtsa ba skyes pa rnams chab mi 'tshal ba dang / nyon mongs pa skyes pa rnams spong ba dang / ma skyes pa rnams mi skyed pa de ltar spobs so/ /ji ltar byang chub sems dpa' go cha ma bgos pa rnams go cha 'tshal ba dang / go cha bgos
90b₄ pa rnams mi ldog par 'gyur ba de ltar spobs so/ /ji ltar dam pa'i chos mi 'chad cing dam pa'i chos yongs su gzung bar bgyid pa de ltar spobs so/ /ji ltar sangs rgyas kyi chos thams cad yongasu rdzogs par 'gyur ba de ltar spobs so/ /
90b₅ bcom ldan 'das de lta bu'i spobs pas ni mu stegs kyi gnas thams cad gzhom par nus so/ /de ci'i slad du zhe na/ bcom ldan 'das wa ni seng ge'i sgra bzod par yang mi nus na rab tu sgrog par lta ga la nus te/ bcom ldan 'das de
90b₆ bzhin du pha rol rgol ba thams cad kyis bla na med pa seng ge'i sgra bzod par mi nus so/ /de nas lha' bu phyir mi ldog pas lha'i dbang po brgya byin la 'di skad ces smras so/ /kau shi ka seng ge'i sgra seng ge'i sgra zhes bya ba ji tsam gyis na
90b₇ seng ge'i sgra zhes bya/ smras pa/ lha'i bu chos gang la yang mngon par ma chags par brjod pa de dag seng ge'i sgra yin no/ /gang de lta bu la mngon par chags par brjod pa de dag ni seng ge'i sgra ma yin te wa'i sgra'o/ /gang lta ba kun tu slong ba
90b₈ ston pa de dag la seng ge'i sgra med do/ /lha'i dbang po brgya byin gyis smras pa/ lha'i bu khyod seng ge'i sgra ji lta bu yin pa spobs par gyis shig /smras pa/ kau shi ka gang de bzhin gshegs pa la mngon par ma chags par ston na chos ngan pa

_{iiif viewer powered by OpenSeadragon}

90a - 91a

Texts on this page