rKTs

e-texts navigator

Volume

Page

90a₁ nyid la de ltar zhugs pa zhes bya'o/ /tshangs pas smras pa/ lha'i bu khyod sangs rgyas kyi zhing 'di ni sngon ngas ma mthong ngo / /smras pa/ tshangs pa sangs rgyas kyi zhing 'dis kyang sngon bdag ma mthong ngo / /smras pa/ sangs rgyas kyi zhing 'di
90a₂ ni blta'o zhe'am/ mi lta'o zhes rtog pa'am/ rnam par rtog pa med do/ /smras pa/ tshangs pa bdag sngon mthong ngo zhe'am/ sngon ma mthong ngo zhes bdag kyang mi rtog rnam par mi rtog go smras pa/ lha'i bu sngon ma mthong ba mthong ba su
90a₃ smras pa/ byis pa so so'i skye bo thams cad kyis ni 'phags pa'i nges par 'jug pa sngon ma mthong ngo / /tshangs pa nam yang dag par nges par zhugs pa de ni sngon ma mthong ba mthong ngo / /nges pa de ni mig gi rnam par shes pas shes pa ma
90a₄ yin/ rna ba dang / sna dang / lce dang / lus dang / yid kyi rnam par shes pas shes par bya ba ma yin te/ de bzhin nyid ji lta ba de bzhin du blta bar bya'o/ /mig gi de bzhin nyid ji lta ba dang / rna ba'i de bzhin nyid ji lta ba dang / sna'i de bzhin
90a₅ nyid ji lta ba dang / lce'i de bzhin nyid ji lta ba dang / lus kyi de bzhin nyid ji lta ba dang / yid kyi de bzhin nyid ji lta ba de bzhin du blta ste/ gang de ltar mthong ba de dag ni yang dag par mthong ba'o/ /de nas bcom ldan 'das la lha'i dbang po brgya byin
90a₆ gyis 'di skad ces gsol to/ /bcom ldan 'das dper na nor bu rin po che'i gling du phyin pa'i mig sngar ni nor bu rin po che 'ba' zhig gda' 'o/ /de bzhin du bcom ldan 'das skyes bu dam pa bsam gyis mi khyab pa'i chos rin po che dang ldan pa rnams
90a₇ ci dang ci spobs pa de dag gi de thams cad chos rin po che nyid du spobs so/ /de nyid yang dag pa'i mtha' yongasu gsal bar bgyid par spobs so/ /'di ltar de dag la bdag tu mngon par chags pa ma mchis/ chos su mngon par chags pa ma mchis/
90a₈ sems can du mngon par chags pa ma mchis pa'i slad du'o/ /de'i slad du ji ltar ma log pa dang phyin ci ma log par spobs pa de de ltar spobs so/ /ji ltar sngon gyi mtha' yang spyod pa dang / phyi ma'i mtha' yang mi dmigs pa dang / da ltar byung ba la

_{iiif viewer powered by OpenSeadragon}

89b - 90b

Texts on this page