rKTs

e-texts navigator

Volume

Page

8a₁ dri la mi rtag pa nyid dang / lce'i rnam par shes pa la stong pa nyid dang / ro la mi rtag pa nyid dang / lus kyi rnam par shes pa la stong pa nyid dang / reg bya la mi rtag pa nyid du yang rab tu shes so/ /de de ltar shes rab la
8a₂ mkhas pas shin tu rtogs pa'i shes rab dang ldan zhing shes rab rno ba dang ldan te/ mi dge ba'i chos rnams kyang rab tu shes/ dge ba'i chos rnams kyang rab tu shes/ nyan thos yang dag par 'grub par byed pa'i chos rnams kyang
8a₃ rab tu shes rang sangs rgyas yang dag par 'grub par byed pa'i chos rnams dang / byang chub sems dpa' yang dag par 'grub par byed pa'i chos rnams dang / sangs rgyas nyid yang dag par 'grub par byed pa'i chos rnams kyang
8a₄ rab tu shes so/ /de mi dge ba'i chos rnams kyis rnam par smin pa chung ngu dang / 'bring dang / chen po sems can dmyal ba rnams dang / dud 'gro rnams dang / yi dags rnams su skye ba yang rab tu shes so/ /der skyes pa rnams kyi
8a₅ tshor ba chung ngu dang / 'bring dang / chen po yang rab tu shes so/ /dge ba'i chos rnams kyi rnam par smin pa chung ngu dang / 'bring dang / chen po lha rnams kyi nang du 'am/ mi rnams kyi nang du smin pa yang rab tu shes so/ /der skyes pa
8a₆ rnams kyi 'bras bu chung ngu dang / 'bring dang / chen po yang rab tu shes so/ /nyan thos yang dag par 'grub par byed pa'i chos rnams kyi rgyun tu zhugs pa'i 'bras bu mngon du bya ba dang / lan cig phyir 'ong ba'i 'bras bu mngon du bya
8a₇ ba dang / phyir mi 'ong ba'i 'bras bu mngon du bya ba dang / dgra bcom pa nyid kyi 'bras bu mngon du bya ba'i rnam pa yang rab tu shes so/ /shes rab kyi rnam par grol ba nyid dang / gnyis ka'i cha las rnam par grol ba yang rab tu shes
8a₈ so/ /rang sangs rgyas yang dag par 'grub par byed pa'i chos rnams kyis yang dag par 'grub pa yang rab tu shes so/ /'bras bu dang zhi ba nyid kyang rab tu shes so/ /byang chub sems dpa' yang dag par 'grub par byed pa'i chos rnaMs kyi

_{iiif viewer powered by OpenSeadragon}

7b - 8b

Texts on this page