rKTs

e-texts navigator

Volume

Page

89b₁ las 'das pa la ma yin/ zag pa dang bcas pa la ma yin/ zag pa med pa la ma yin/ kha na ma tho ba dang bcas pa la ma yin/ kha na ma tho ba med pa la ma yin/ 'dus byas la ma yin/ 'dus ma byas la ma yin/
89b₂ 'khor ba la ma yin/ mya ngan las 'das pa la mi 'jug pa 'di ni chos kyi nan tan zhes bya ste/ chos thams cad la nan tan du bya ba med pa 'di ni chos kyi nan tan no/ /chos su 'du shes pa la chos kyi nan tan med de chos 'di
89b₃ la nan tan bya'o zhes spro bar byed/ nan tan mi bya'o zhes spro bar byed na ma zhugs pa'o/ /chos thams cad kyi rjesu zhugs pa'i nan tan 'di ni chos kyi nan tan no/ /spros pa med pas gnyen po med pa 'di ni chos kyi nan tan zhes bya'o/ /
89b₄ de nas bcom ldan 'das la lha'i bu phyir mi ldog pas 'di skad ces gsol to/ /bcom ldan 'das gang yang dag pa'i nan tan 'di la zhugs pa dang / 'jug par 'gyur ba de dag la shin tu log pa'i nan tan ma mchis so/ /de ci'i slad du
89b₅ zhe na/ bcom ldan 'das shin tu yang dag pa'i nan tan 'di lags te/ log pa'i lam du zhugs pa rnams la nan tan gang yang ma mchis so/ /yang dag pa'i lam la gnas pa rnams la chos kyi nan tan ma mchis so/ /yang dag par zhugs
89b₆ pa rnams ni mi mnyam pa'i chos gang yang ma mchis so/ /de ci'i slad du zhe na/ bcom ldan 'das chos thams cad ni mnyam pa khyad par ma mchis pa'o/ /de nas tshangs pa khyad par sems kyis lha'i bu de la 'di skad ces smras so/ /
89b₇ lha'i bu khyod nan tan 'di la zhugs sam/ smras pa/ tshangs pa gal te bcom ldan 'das kyis nan tan la gnyis su bshad par gyur na bdag kyang nan tan 'di la nan tan du byed do/ /nan tan ni gnyisu med pa ste/ de la gang nan tan byed pa dang /
89b₈ gang la nan tan byed pa de yang med do/ /gang yang nan tan du byed par de med de/ 'on kyang tshangs pa bdag ni lhag par mi byed pa dang sgro mi 'dogs pa'i phyir nan tan 'di la zhugs so/ /chos nyid ji lta bar chos kyi nan tan yang de bzhin te/ de ni de bzhin

_{iiif viewer powered by OpenSeadragon}

89a - 90a

Texts on this page