rKTs

e-texts navigator

Volume

Page

88a₁ pa 'dod pa dang / mi'i phun sum tshogs pa 'dod pa dang / grags pa 'dod pa dang / brjod pa 'dod pa dang / thos pa 'dod pa dang / dran pa dang / blo gros dang / rtogs pa dang / brtan pa dang / shes rab 'dod pa dang / spobs pa 'dod
88a₂ pa dang / gzungs 'dod pa dang / dge ba'i bshes gnyen rnyed par 'dod pa dang / mngon par shes pa dang / rig pa dang / ye shes 'dod pa dang / byang chub 'dod pa dang / dge ba'i chos thams cad 'dod pa dang / byang chub kyi yan lag 'dod pa dang /
88a₃ tshig 'dod pa dang / sems can thams cad bde bar thob par bya bar 'dod pa dang / mya ngan las 'das par 'dod pa'i rigs kyi bu'am/ rigs kyi bu mos chos kyi rnam grangs 'di mnyan par bya/ mos par bya/ gzung bar bya/ kun chub par
88a₄ bya/ bcang bar bya/ klag par bya/ gzhan la'ang rgya cher rab tu bstan par bya'o/ /grogs po dag chos kyi rnam grangs 'di chung ngu na mnyan pa tsam gyis kyang gang des yongasu ma bzung bar gyur pa'i phun sum tshogs pa de ngas ma mthong ngo / /grogs
88a₅ po dag mos par bya/ go bar bya ste/ slob dpon nam mkhan po gang las chos kyi rnam grangs 'di mnyan tam/ bzung na 'jig rten gyi zang zing gang gis de la lan glan par sla ba de lta bu ngas ma mthong ngo / /de ci'i phyir zhe na/ 'di ni 'jig rten
88a₆ las 'das pa'i chos te 'jig rten gyi zang zing gis de sbyang bar sla ba ma yin no/ /chos 'di dag ni 'jig rten gyis ma gos pa ste 'jig rten gyi zang zing gis sbyang bar sla ba ma yin no/ /chos 'di ni zang zing med pa ste 'jig rten gyi zang zing gis
88a₇ sbyang bar sla bar ma yin no/ /chos kyi rnam grangs 'di la lan glan pa ni chos kyi nan tan ma gtogs par gzhan med de/ log pa'i nan tan gyis ma yin no/ /gang 'di la zhugs pa de dag gis mkhan po dang slob dpon la gus par byas so/ /
88a₈ de dag gis lan glan pa dag byas so/ /de dang de dag ni bu lon med par yul 'khor gyi bsod snyoms za'o/ /de dang de dag ni de bzhin gshegs pa'i tshig la nan tan du byed pa'o/ /de dang de dag ni chu bo las rgal ba'o/ /de dang de dag ni dgon pa las shin tu

_{iiif viewer powered by OpenSeadragon}

87b - 88b

Texts on this page