rKTs

e-texts navigator

Volume

Page

87b₁ 'di thos par 'gyur ro/ /bcom ldan 'das 'di ltar bdag cag gis chos kyi rnam grangs 'di las chos kyi snang ba thob ste/ bcom ldan 'das de bzhin gshegs pa dang / 'jam dpal gzhon nur gyur pa dang / tshangs pa 'di
87b₂ la bdag cag gis rang gi sha dang khrag gis kyang lan mi lon no/ /bcom ldan 'das gang las chos kyi rnam grangs 'di thos par 'gyur ba'i chos smra ba de la bdag cag ston par 'du shes bskyed par bgyi'o/ /bcom ldan 'das chos
87b₃ smra ba de'i drung du bdag cag rtag tu rgyun mi 'chad par mchi ste/ rigs kyi bu de lha de dag gis yongasu gzung bar 'gyur ro/ /chos kyi rnam grangs 'di yi ger 'dri ba 'am/ klog gam/ ston tam/ kha ton byed na lha'i bu brgya stong
87b₄ phrag du ma chos nyan du mchi'o/ /de nas bcom ldan 'das kyis rgyal po chen po bzhi dang / lha'i dbang po brgya byin dang / tshangs pa mi 'jed kyi bdag po la 'di skad ces bka' stsal to/ /legs so legs so/ /skyes bu dam pa khyed ji skad zer
87b₅ ba de de bzhin no/ /grogs po dag gal te stong gsum gyi stong chen po'i 'jig rten gyi khams rin po che thams cad kyis yongasu bkang ba'i cha gcig bzhag pa dang / chos kyi rnam grangs 'di nyan pa'i dge ba'i rtsa ba cha gcig bzhag pa dang / de gnyis
87b₆ ni gang 'di chos kyi rnam grangs nyan pa'i dge ba'i rtsa ba'i cha 'di mchog go/ /stong gsum gyi stong chen po'i 'jig rten gyi khams lta zhog gi gal te chu bo gang ga'i klung gi bye ma snyed kyi 'jig rten gyi khams rin po che thams cad kyis yongasu bkang ba'i
87b₇ cha gcig bzhag pa dang / chos kyi rnam grangs 'di nyan pa'i dge ba'i rtsa ba'i cha gcig bzhag pa dang / de gnyis ni gang 'di chos kyi rnam grangs 'di nyan pa'i dge ba'i rtsa ba'i cha mchog go/ /grogs po dag rigs kyi bu 'am/ rigs kyi bu mo
87b₈ bsod nams 'dod pas chos kyi rnam grangs 'di mnyan par bya'o/ /rnyed pa 'dod pa dang / chos 'dod pa dang / gzugs 'dod pa dang / longs spyod 'dod pa dang / g.yog 'dod pa dang / chos kyi dbang phyug 'dod pa dang / lha'i phun sum tshogs

_{iiif viewer powered by OpenSeadragon}

87a - 88a

Texts on this page