rKTs

e-texts navigator

Volume

Page

87a₁ rig par byed pa de yang nam mkha' rnam par rig par byed pa'o/ /chos ni skye ba 'am 'gag par mi 'gyur te/ chos thams cad kyi rnam par rig par byed pa ni rnam par rig par byed pa med pa'o/ /chos des gang kun shes par byas
87a₂ pa de dag kyang gzhan du mi 'gyur bas na rnam par rig par byed pa med pas kun shes so/ /de ci'i phyir zhe na/ chos rnam par rig par byed pa de ji 'dra ba de bzhin du de'i kun shes pa yang de 'dra ste/ de'i phyir chos thams cad de bzhin nyid la gnas
87a₃ shes bya ste de bzhin nyid ni mi gnas pa'o/ /de nas rgyal po chen po bzhi dang / lha'i dbang po brgya byin dang / mi 'jed kyi bdag po tshangs pa yang 'khor de nyid du tshogs pas 'dug par gyur te/ de dag lha'i me tog de dag gis de bzhin gshegs
87a₄ pa la gtor nas tshig 'di skad 'dzer to/ /bcom ldan 'das rigs kyi bu'am rigs kyi bu mo gang dag 'jam dpal gzhon nur gyur pas bstan pa 'di la mos pa de dag ni bdud dang phyir rgol ba bcom pa lags so/ /de ci'i slad du zhe na/
87a₅ bcom ldan 'das 'jam dpal gzhon nur gyur pas bstan pa ni 'du shes thams cad dang bral ba lags te/ gang chos zab mo bstan pa 'di la mi skrag mi dngang zhing shin tu dngang bar mi 'gyur ba'i rigs kyi bu 'am rigs kyi bu mo de dag ni dge
87a₆ ba'i rtsa ba ngan ngon dang ldan pa ma lags so/ /bcom ldan 'das chos kyi rnam grangs 'di sa phyogs gang du byung ba de sangs rgyas kyis byin gyis brlabs pa lags so/ /gang du chos kyi tshul zab mo 'di thos par 'gyur ba'i sa phyogs de dag de
87a₇ bzhin gshegs pas yongasu longs spyad pa'o/ /grong dang / grong khyer dang / grong rdal dang / ljongs dang / gtsug lag khang dang / 'chag sa gang du chos kyi rnam grangs 'di byung ba der chos kyi 'khor lo rab tu bskor bar blta'o/ /
87a₈ der bdud rnams rgyu ba ma mchis/ dmigs pa la mngon par chags pa rnams kyi rgyu ba ma mchis te/ bcom ldan 'das sems can sngon gyi rgyal ba rnams la lhag par bgyi ba bgyis pa'i rnams kyi rna lam du chos kyi rnam grangs

_{iiif viewer powered by OpenSeadragon}

86b - 87b

Texts on this page