rKTs

e-texts navigator

Volume

Page

86b₁ kun shes pa med pa de ni kun shes pa ste/ dngos po ji lta ba de bzhin du de'i kun shes pa yang med do/ /smras pa/ ci'i phyir dngos po med/ smras pa/ dngos po ni ming gi rang bzhin gyis dben te/ de'i ming dang rang bzhin dben la dngos
86b₂ po yang gzhan ma yin/ byang chub kyang gzhan ma yin no/ /gal te dngos po yang gzhan la byang chub kyang gzhan du zin na 'di ltar 'di la byang chub ji lta bar dngos po yang de bzhin no/ /de bas na 'di la sems can yang gud na med la de
86b₃ rnam pa gzhan du yang rtogs par mi 'gyur te/ gzhan du na bdag gi mnyam pa nyid kyis byang chub mnyam pa nyid dang / byang chub kyi mnyam pa nyid kyis bdag gi mnyam pa nyid rig par byed de/ de ltar na byang chub rtogs par 'gyur te/
86b₄ gzhan du ma yin pas na de'i phyir de la gzhan du 'gyur ba med do/ /bdag ni rtag tu bdag med pa yin te/ de'i phyir de la rnam pa gzhan du 'gyur ba med do/ /ji ltar nam mkha' la rnam pa gzhan du 'gyur ba med pa de bzhin du chos thams cad la yang gzhan
86b₅ du 'gyur ba med do/ /de nas tshangs pa khyad par sems kyis 'jam dpal gzhon nur gyur pa la 'di skad ces smras so/ /'di ltar chos 'di dag rab tu phye ba las na de bzhin gshegs pa ni bden par gsungs dpa'o/ /smras pa/ tshangs pa de bzhin gshegs
86b₆ pas ni chos gang yang rab tu ma phye'o/ /de ci'i phyir zhe na/ de bzhin gshegs pas chos nyid kyang ma dmigs na gang rab tu dbye ba lta ci smos/ smras pa/ 'jam dpal ci de bzhin gshegs pas chos 'di dag ni 'dus byas so/ /chos 'di dag ni
86b₇ 'dus ma byas so/ /chos 'di dag ni 'jig rten pa'o/ /chos 'di dag ni 'jig rten las 'das pa'o zhes chos rnams rnam par mi mkhyen tam/ smras pa tshangs pa 'di ji snyam du sems/ sus kyang namakha' 'di rab tu phye ba 'am shes par gyur pa
86b₈ yod dam/ smras pa/ 'jam dpal de ma yin no/ /'jam dpal gyis smras pa/ gang namakha' zhes bya ba de skye ba'am 'gag par 'gyur ram/ smras pa de ma yin no/ /smras pa/ tshangs pa de bzhin du chos gang yang rung ba'i rnam par

_{iiif viewer powered by OpenSeadragon}

86a - 87a

Texts on this page