rKTs

e-texts navigator

Volume

Page

86a₁ tshangs pa byang chub sems dpa' gang chos thams cad la yang spyod la chos gang la yang mi spyod na byang chub sems dpa' de byang chub la spyod de/ tshangs pa spyod pa yul las 'das pa'i byang chub sems dpa' ni byang chub
86a₂ tu spyod do/ /smras pa/ 'jam dpal ji ltar na byang chub sems dpa' spyod pa'i yul las 'das pa byang chub la spyod/ smras pa/ dmigs pa'i mtshan ma thams cad dang bral zhing mig dang / rna ba dang / sna dang / lce dang /
86a₃ lus dang / yid dang / bral ba de ltar na spyad pa'i yul thams cad las shin tu 'das pa yin no/ /smras pa/ 'jam dpal yang dag par 'das pa zhes bya ba ci la bsam/ smras pa/ mnyam pa nyid las mi 'da' ba'o/ /de ci'i
86a₄ phyir zhe na/ tshangs pa byang chub ni chos thams cad kyi mnyam pa nyid do/ /smras pa/ 'jam dpal byang chub sems dpas ji ltar na byang chub tu 'jug par bya/ smras pa/ byang chub ji lta ba bzhin du'o/ /smras pa/ byang chub ji lta
86a₅ bu yin/ smras pa/ tshangs pa byang chub de ni 'das pa yang ma yin/ ma 'ongs pa yang ma yin/ da ltar byung ba yang ma yin te/ de bas na byang chub sems dpas dus gsum yongasu dag pa'i rnam pa dang / 'khor gsum
86a₆ yongs su dag pas byang chub tu yang dag par 'jug par bya'o/ /'das pa ji lta ba dang / ma 'ongs pa ji lta ba dang / da ltar byung ba ji lta ba dang / ma byung ba ji lta ba dang / ma byung ba gang yin pa de la rab tu dbye ba med de gang de ltar
86a₇ rab tu zhugs pa de gang la yang zhugs pa med do/ /de ci'i phyir zhe na/ rab tu 'jug pa 'dis thams cad mkhyen pa'i ye shes thob par 'gyur ro/ /smras pa/ 'jam dpal ci'i phyir thams cad mkhyen pa'i ye shes zhes bya/
86a₈ smras pa/ thams cad shes par gyur pa'i ye shes de ni thams cad mkhyen pa'i ye shes shes bya'o/ /smras pa/ 'jam dpal kun shes pa gang yin/ smras pa/ tshangs pa kun shes pa gang la dngos po med cing kun shes pa la

_{iiif viewer powered by OpenSeadragon}

85b - 86b

Texts on this page