rKTs

e-texts navigator

Volume

Page

83a₁ la rab tu gnas/ /chos la rlom sems mi byed pa/ /'di ni nga'i chos yin te/ /sangs rgyas dag ni skyes kyang rung / /'on te 'dren pa ma skyes kyang / /chos rnams thams cad stong pa ste/ /de dag chos nyid de mi 'dor/ /chos rnams
83a₂ kun la mngon gsum ste/ /chos kyi chos nyid gang yin pa/ /de bzhin nyid la rab gnas shing / /de dag brtan pa shin tu sten/ /bdud kyi zab mo spyod pa yi/ /gting yang rtag tu rig mi 'gyur/ /'di ltar de dag chos rnams la/ /ma lus par
83a₃ ni mi 'dzin to/ /sangs rgyas ye shes rab tshol na/ /yang dag zhugs pa'i spyod yul min/ /ye shes de yang yul gnas dang / /phyogs la gnas pa mi thob bo/ /sangs rgyas ye shes chags med de/ /chos dang chos la chags mi byed/ /
83a₄ byang chub tu ni gang gzhol ba/ /de bzhin de dag chags mi byed/ /sbyin pas mngon par rtag tu 'phags/ /sems dul dul la rab tu dga'/ /de dag ma lus gtong ba na/ /zhen pa'i sems ni yong med do/ /chos ni gtong bar mi nus te/ /
83a₅ gzung bar yang ni mi nus so/ /de ltar chos rnams thams cad la/ /bdag gi dngos po yod ma yin/ /chos rnams thams cad ma mchis shing / /grol ba'ang med par gang gis shes/ /gang la lta ba med pa ste/ /de ni sbyin bdag chen po yin/ /
83a₆ nga dang nga yir lta ba gang / /de la de dag yong med de/ /de phyir de dag gtong ba na/ /dngos po ci la'ang rten mi 'gyur/ /sbyin pa gtong ba thams cad kyang / /byang chub la ni bsngo bar byed/ /byang chub la ni sbyin pa yi/ /gnyis su 'du shes mi bskyed
83a₇ do/ /'du byed med pa'i tshul khrims la/ /rtag par shin tu gnas par 'gyur/ /tshul khrims la yang bdag gnas shes/ /de dag la ni rlom sems med/ /tshul khrims dag ni ma byas shing / /ma skyes par yang mkhas pas shes/ /
83a₈ de phyir de yi tshul khrims ni/ /rab dag dri med namakha' bzhin/ /lus ni gzugs brnyan nyid dang 'dra/ /ngag ni brag cha ji bzhin te/ /sems kyang sgyu ma 'dra rig nas/ /de dag tshul khrims mi snyems so/ /de dag zhi zhing rab tu zhi/ /

_{iiif viewer powered by OpenSeadragon}

82b - 83b

Texts on this page