| e-texts navigator |
| བོད་ཡིག |
80a1 gnyis ga la ba der song ste phyin nas byang chub sems dpa' de gnyis kyi rkang pa la mgo bos phyag 'tshal nas lan gsum bskor ba byas te byang chub sems dpa' de gnyis la 'di skad ces smras so/ /rigs kyi
80a2 bu bcom ldan 'das kun tu 'od zer de bzhin gshegs pa des 'di skad du 'dus shing 'khod pa rnams kyis bya ba gnyis yod de/ chos kyi gtam bstan par bya'o/ /yang na 'phags pa mi smra bar gyur pas gnas par bya'o/ zhes
80a3 gsungs na/ de la chos kyi gtam ni gang yin/ 'phags pa mi smra bar gyur pa ni gang yin/ de skad ces smras pa dang / byang chub sems dpa' de gnyis kyis tshangs pa 'od zer bzang po la 'di skad ces smras so/ /tshangs pa de'i
80a4 phyir dri ba lung bstan pa 'di las cung zad cig bshad kyis nyon cig dang / 'di la de bzhin gshegs pa ni mngon gsum ste pha rol gyi mchog brnyes so/ /rigs kyi bu de ltar byang chub sems dpa' de gnyis 'khor de'i nang na
80a5 'di lta ste/ chos kyi gtam dang / 'phags pa mi smra bar gyur pa la brtsam nas don gyi tshig 'di nyid rgyas par bstan te/ de'i tshe tshangs pa brgya stong phrag bdun bcu rtsa gnyis po de dag mi skye ba'i chos la bzod pa skyes so/ /tshangs
80a6 pa 'od zer bzang pos kyang ting nge 'dzin kun tu snang ba mngon du gyur te rab tu thob bo/ /rigs kyi bu de ltar byang chub sems dpa' spobs pa rgyun mi chad pa de gnyis dris pa gnyis po 'di lta ste chos kyi gtam dang / 'phags pa mi smra bar
80a7 gyur pa yang dag par ston cing 'dug ste/ de gnyis kyis lo stong phrag bdun bcu rtsa drug gi bar du don gyi tshig 'di gnyis gtan la 'bebs shing lan ldon par gyur te/ gcig gi yang mthar ma phyin/ gnyis po'i yang mthar
80a8 ma phyin te/ /de nas de bzhin gshegs pa de steng gi namakha' la bzhugs nas de gnyis la 'di skad ces bka' stsal to/ /rigs kyi bu mchog go/ /smra bas rtsod par ma byed cig /smra bas rtsod pa ma skyed cig /
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo