| e-texts navigator |
| བོད་ཡིག |
7a1 'di ni byang chub sems dpa' lhag mthong zhes bya'o/ /de ltar rnam par mthong bas nyon mongs pa rnams kun tu mi 'byung zhing mi 'jug pa de ni byang chub sems dpa' zhi gnas zhes
7a2 bya'o/ /tshangs pa gzhan yang byang chub sems dpa' gcig pu dben par 'dug ste nang du yang dag bzhag nas ming dang yi ge ji ltar thos pa rnams nges pa'i tshig gi gdags pas yang dag par 'jog cing yi ge
7a3 de dag la nye bar rtogs te/ de de ltar nye bar rtogs pa na yi ge rnams gsog dang gsob du mthong ngo / /de yi ge rnam pa gsog dang gsob du mthong nas ming rnams kyang gsog dang gsob du mthong ngo / /gang la ming de
7a4 'dog pa de yang gsog dang gsob du mthong ngo / /de la gzugs dang gang snang ba de dang de yang gsog dang gsob du mthong ngo / /de gsog dang gsob du mthong bas yang dag par ji lta ba bzhin du yongasu shes par 'gyur ro/ /
7a5 yang dag par ji lta ba bzhin yongs su shes pas de la 'dus byas rmi lam dang 'dra bar snang ngo / /de la byang chub sems dpa' so sor brtags nas sems can la lta bas snying rje chen po'i sems nye bar bzhag nas gnas so/ /
7a6 de 'chal pa'i shes rab kyi sems gdul ba'i phyir shes rab sgom par byed do/ /ji ltar sgom par byed ce na/ de kun rdzob kyi tshul du bshad pa 'am don dam pa'i tshul du bshad pa'i mdo sde gang dag yin pa de dag brjod pa gsal zhing zur
7a7 phyin pa dag gis ma nor bar 'dzin to/ /ma nor bas chos ston pa las bzung nas kyang / ma nor ba'i bsam pas sems par byed do/ /sgom pa'i rnal 'byor la yang brtson par byed do/ /de ye shes kyi stobs dang shes rab kyi bye brag gis sems can mi
7a8 dmigs/ srog mi dmigs/ gsob mi dmigs/ skyes bu mi dmigs/ gang zag mi dmigs/ shed las skyes mi dmigs/ shed bu mi dmigs te/ thams cad kyi thams cad du chad par lta bar yang mi lhung ngo / /
iiif viewer powered by OpenSeadragon
Texts on this page
J102 - 'phags pa tshangs pas zhus pa zhes bya ba theg pa chen po'i mdo