| e-texts navigator |
| བོད་ཡིག |
79b1 par mi 'gyur bas na de'i phyir nam mkha' zhes rab tu dbye'o/ /rigs kyi bu de bzhin du byis pa so so'i skye bo tshul bzhin ma yin pa yid la byed pa dang ldan pa rnams kyi nyon mongs pa bskyed mod kyis de dag gis sems kyi rang
79b2 bzhin kun nas nyon mongs par mi 'gyur ro/ /gal te kun nas nyon mongs par 'gyur na ni shin tu rnam par dag par mi 'gyur te/ 'di ltar kun nas nyon mongs par mi 'gyur bas na de'i phyir rang bzhin gyis rnam par grol bas
79b3 rnam par grol lo/ /rigs kyi bu 'di ni snang ba yongs su dag pa'i ting nge 'dzin la 'jug pa'o/ /zhes de ltar de bzhin gshegs pa des byang chub sems dpa' de gnyis la rab tu bstan to/ /de gnyis kyis ting nge 'dzin de thos nas bsam
79b4 gyis mi khyab pa'i chos la chos kyi snang ba thob bo/ /de nas bcom ldan 'das kun tu 'od zer de bzhin gshegs pa la byang chub sems dpa' blo gros mi zad pas 'di skad ces gsol to/ /bcom ldan 'das
79b5 bdag cag gis ting nge 'dzin 'di la 'jug pa ni thos na/ bcom ldan 'das bdag cag gnas gang gis gnas par bgyi/ de skad ces gsol pa dang / bcom ldan 'das des rigs kyi bu de gnyis la 'di skad ces
79b6 bka' stsal to/ /rigs kyi bu 'di la khyod chos kyi gtam yang dag par ston cig /yang na 'phags pa mi smra bar gyur pa la gnas par gyis shig /de nas bcom ldan 'das las byang chub sems dpa' de gnyis
79b7 kyis legs so zhes bya ba thos te/ bcom ldan 'das kyi zhabs la mgo bos phyag 'tshal nas lan gsum bskor ba byas te/ bcom ldan 'das kyi drung nas skyed mos tshal zhig gang na yod pa der song ste der phyin nas rang
79b8 gis sprul pa'i khang bu brtsegs pa'i nang du 'dug go/ /de gnyis de ni 'dug pa der tshangs pa chen po 'od zer bzang po zhes bya ba tshangs pa brgya stong phrag bdun bcu rtsa gnyis dang byang chub sems dpa' de
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo