| e-texts navigator |
| བོད་ཡིག |
79a1 rgyas kyi chos thams cad la snang ba thob par 'gyur te/ de'i phyir snang ba yongs su dag pa zhes bya'o/ /chos thams cad sngon gyi mtha' nas yongs su dag pa'o/ /chos thams cad phyi ma'i mtha' nas yongs su dag pa'o/ /
79a2 chos thams cad da ltar byung ba'i mtha' nas yongs su dag pa ste/ 'di ni dus gsum yongs su dag pa zhes bya'o/ /gang yongs su dag pa 'di ni nam du yang yongs su ma dag par mi 'gyur te/ yongs su dag pa gang gis rang bzhin gyis
79a3 yongs su dag pa 'di ni shin tu yongs su dag pa ste/ de'i phyir chos thams cad rang bzhin gyis 'od gsal ba zhes bya'o/ /chos thams cad kyi rang bzhin de gang zhe na/ chos thams cad ni stong pa nyid kyi rang bzhin can te dmigs pa dang
79a4 bral ba'o/ /chos thams cad ni mtshan ma med pa'i rang bzhin can te rtog pa dang rnam par rtog pa dang bral ba'o/ /chos thams cad ni smon pa med pa'i rang bzhin can te/ blang ba med pa/ dor ba med pa/ bsam pa med pa/ nus pa med pa
79a5 shin tu ngo bo nyid dang bral ba yin te/ de ni rang bzhin gyis 'od gsal ba'o/ /'khor ba'i rang bzhin gang yin pa te mya ngan las 'das pa'i rang bzhin yin no/ /mya ngan las 'das pa'i rang bzhin gang yin pa de chos thams cad kyi rang bzhin
79a6 yin te/ de'i phyir sems rang bzhin gyis 'od gsal ba zhes bya'o/ /rigs kyi bu 'di lta ste dper na/ namakha' bla gab med pa kun nas nyon mongs par 'gyur ba ni gnas ma yin zhing go skabs med de/ rigs kyi bu de bzhin du sems kyi
79a7 rang bzhin yang kun nas nyon mongs su rung ba ni gnas ma yin zhing go skabs med do/ /rigs kyi bu 'di lta ste dper na/ namakha' la sprin gyi phung po'am/ du ba 'am/ rdul dag byung ste/ des namakha' mi mdzes shing lham me
79a8 lhang nger mi 'gyur mod kyi de dag gis namakha'i rang bzhin kun nas nyon mongs par mi 'gyur ro/ /gal te namakha' kun nas nyon mongs su zin na shin tu rnam par dag par mi 'gyur te/ 'di ltar kun nas nyon mongs/
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo