| e-texts navigator |
| བོད་ཡིག |
78a1 gzhon nur gyur pas byang chub sems dpa' mnyam par gnas la 'di skad ces smras so/ /rigs kyi bu gang spyod pa brgyad khri bzhi stong dang / chos kyi phung po brgyad khri bzhi stong bstan pa 'di ni chos kyi gtam
78a2 zhes bya'o/ /gang 'du shes dang tshor ba thams cad 'gog pa'i snyoms par 'jug pa 'di ni 'phags pa mi smra bar gyur pa'o/ /rigs kyi bu ngas bskal pa 'am/ bskal pa las lhag par yang chos kyi gtam dang / 'phags pa mi smra bar
78a3 gyur pa la brtsams te lung bstan kyang nga'i spobs pa zad par mi 'gyur ro/ /de nas bcom ldan 'das kyis bram ze shing sA la chen po lta bu'i bu mnyam par gnas pa la bka' stsal pa/ rigs kyi bu sngon 'das pa'i dus na byung ba bskal
78a4 pa grangs med pa bas ches grangs med pa/ rgya che ba/ tshad med pa nas bskal pa snyen pa rnam par grags pa zhes bya ba byung ste/ de'i tshe de'i dus na mthong na dga' ba'i 'jig rten gyi khams su kun tu 'od zer zhes bya ba de bzhin
78a5 gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten rig pa/ skyes bu 'dul ba/ kha lo bsgyur ba/ bla na med pa/ lha dang mi rnams kyi ston pa/ sangs rgyas bcom
78a6 ldan 'das 'jig rten du byung ngo / /bcom ldan 'das kun tu 'od zer de bzhin gshegs pa'i 'jig rten gyi khams mthong na dga' ba rin po che thams cad rab tu bkram pa/ 'byor pa rgyas pa/ bde ba shin tu lo legs pa nyams
78a7 dga' ba/ lha dang mis kun tu gang bar gyur to/ /'jig rten gyi khams de spos thams cad kyis yongs su bsgos pas/ reg na shing bal ltar 'jam pa/ gos ka tsa lin di ltar reg na bde ba/ rin po che sna bdun gyis mnyam par brgyan
78a8 par gyur to/ /mthong na dga' ba'i 'jig rten gyi khams de na gling bzhi pa bye ba phrag bzhi yod de/ re re la yang gling chen po dpag tshad brgyad khri bzhi stong yod do/ /grong khyer chen po de dag thams cad kyang rin po che thams cad kyis brgyan pa
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo