| e-texts navigator |
| བོད་ཡིག |
77b1 sems can gti mug spyod pa gang dag smad pas rnam par grol bar 'gyur la/ chos bstan pas rnam par grol bar mi 'gyur ba yang yod de/ de dag kyang de bzhin gshegs pas rab tu mkhyen to/ /sems can cha mnyam par
77b2 spyod pa sdug pa'i rnam pas kyang rnam par mi 'grol/ mi sdug pa'i rnam pas kyang mi 'grol/ byams pas kyang mi 'grol/ skyon gyis kyang mi 'grol/ chos bstan pas kyang mi 'grol/ smad pas kyang rnam par grol
77b3 bar mi 'gyur ba yang yod de/ de dag la de bzhin gshegs pa ci nas mnyam pa nyid kyis dbang po'i khams las rnam par grol ba de lta de lta bur chos ston te/ de dag kyang de bzhin gshegs pas rab tu mkhyen to/ /rab 'byor
77b4 rnam grangs 'dis 'di ltar de bzhin gshegs pa ni chos smra ba'i mchog yin pa dang / bsam gtan pa'i mchog yin pa dang / mi smra bar gyur pa la dga' ba'i mchog yin par de ltar rig par bya'o/ /de nas tshe dang ldan
77b5 pa rab 'byor gyis 'jam dpal gzhon nur gyur pa la 'di skad ces smras so/ /'jam dpal gal te nyan thos dang / rang sangs rgyas kyi chos brjod par mi nus/ 'phags pa mi smra bar gyur pa la gnas par mi nus
77b6 na/ byang chub sems dpa' gang la la yon tan 'di lta bu dang ldan pa gang ji ltar chos kyi gtam brjod par byed cing 'phags pa mi smra bar gyur pa la gnas pa yod dam/ 'jam dpal gyis smras pa/ btsun pa rab 'byor
77b7 de bzhin gshegs pa 'di mngon du bzhugs pa mkhyen na de bzhin gshegs pas mkhyen gyis 'di la zhus shig / de'i tshe bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor sangs rgyas
77b8 thams cad kyi chos kyi rjesu 'jug pa g.yeng ba med pa'i sems zhes bya ba'i ting nge 'dzin yod de/ byang chub sems dpa' gang dag ting nge 'dzin de thob pa de dag thams cad yon tan 'di dag dang ldan par 'gyur ro/ /de nas 'jam dpal
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo