rKTs

e-texts navigator

Volume

Page

77a₁ bcom ldan 'das kyis bka' stsal pa/ rab 'byor rnam grangs 'dis 'di ltar nyan thos dang / rang sangs rgyas rnams la chos kyi gtam yang med/ 'phags pa mi smra ba'ang med par rig par bya'o/ /de nas
77a₂ 'jam dpal gzhon nur gyur pas tshe dang ldan pa rab 'byor la 'di skad ces smras so/ /rab 'byor sems can rnams kyi spyod pa brgyad khri bzhi stong gang de bzhin gshegs pas mkhyen pa de dag gnas brtan gyis shes sam gang
77a₃ dag la de lta bu'i gtam brjod par bya ba de dag la rjesu 'thun pa'i gtam bstan par bya ba de la gnas brtan gyi ye shes 'jug gam/ smras pa/ 'jam dpal de ma yin no/ /'jam dpal kyis smras pa/ gnas brtan rab
77a₄ 'byor ting nge 'dzin gang la gnas nas sems can thams cad kyi sems kyi spyod pa la lta zhing / bdag gi sems dang pha rol gyi sems su sgrib par mi 'gyur ba sems can thams cad kyi sems la lta ba'i ting nge 'dzin la mnyam
77a₅ par 'jog gam/ smras pa/ 'jam dpal de ma yin no/ /'jam dpal gyis smras pa/ btsun pa rab 'byor de bzhin gshegs pa sems can gyi spyod pa brgyad khri bzhi stong so so ci rigasu sman pa ston pas chos kyi gtam
77a₆ brjod do/ /ting nge 'dzin mnyam pa nyid las kyang mi g.yo la sems can thams cad kyi sems kyi spyod pa yang rab tu mkhyen te/ btsun pa rab 'byor rnam grangs 'dis kyang 'di ltar 'di la nyan thos dang / rang sangs rgyas rnams
77a₇ kyi yul ma yin par rig par bya'o/ /btsun pa rab 'byor sems can 'dod chags spyod pa gang dag sdug pa'i rnam pa nyid kyis rnam par 'grol zhing mi sdug pa'i rnam pas rnam par mi 'grol ba'ang yod de/ de dag kyang de bzhin
77a₈ gshegs pas rab tu mkhyen to/ /sems can zhe sdang la spyad pa gang skyon mthong bas rnam par grol bar 'gyur la byams pas rnam par 'grol bar mi 'gyur ba yang yod de/ de dag kyang de bzhin gshegs pas rab tu mkhyen to/ /

_{iiif viewer powered by OpenSeadragon}

76b - 77b

Texts on this page