rKTs

e-texts navigator

Volume

Page

75b₁ bcom ldan 'das kyis 'di ltar dge slong dag 'dus te 'khod pas bya ba gnyis yod de/ chos kyi gtam bya ba dang / 'phags pa mi smra bar gyur pas gnas par bya'o zhes gsungs na/ de la 'jam dpal chos kyi gtam ni gang /
75b₂ 'phags pa mi smra bar gyur pa ni gang / smras pa/ gtam gang gis sangs rgyas 'khrug par mi byed/ chos 'khrug par mi byed/ dge 'dun 'khrug par mi byed pa 'di ni chos kyi gtam mo/ /sangs rgyas la chos nyid du mos pa dang /
75b₃ chos la 'dod chags dang bral bar mos pa dang / dge 'dun la 'dus ma byas su mos pa 'di ni 'phags pa mi smra bar gyur pa'o/ /gzhan yang rigs kyi bu dran pa nye bar bzhag pa bzhi la brtsams te gtam brjod pa 'di ni chos kyi gtam mo/ /
75b₄ yang chos thams cad la mi dran zhing yid la mi byed pa 'di ni 'phags pa mi smra bar gyur pa'o/ /gang yang dag par spong ba bzhi la brtsams te gtam brjod pa ni chos kyi gtam mo/ /gang mnyam pa nyid kyis mtshungs par yang mi byed/
75b₅ mi mtshungs par yang mi byed pa 'di ni 'phags pa mi smra bar 'gyur ro/ /gang rdzu 'phrul gyi rkang pa bzhi la brtsams te gtam brjod pa 'di ni chos kyi gtam mo/ /gang lus dang ngag dang / yid kyi brtson par mi byed pa 'di ni 'phags pa
75b₆ mi smra bar 'gyur ba'o/ /gang dbang po lnga dang / stobs lnga la brtsams te gtam brjod pa 'di ni chos kyi gtam mo/ /gang su la yang dad pas chos gang la yang dad par yang mi byed cing chos thams cad la yang blang ba med pa dang /
75b₇ dor ba med par rab tu rnam par 'byed pa de ni 'phags pa mi smra bar gyur pa'o/ /dran pa dang rtse gcig pa dang / rlom sems med pa la gnas shing chos thams cad rang bzhin gyis mnyam par bzhag par mos pa dang / spros pa'i
75b₈ gnas thams cad la mi rten pa'i rkyen du gyur pa 'di ni 'phags pa mi smra bar gyur pa'o/ /gang byang chub kyi yan lag bdun la brtsams te gtam brjod pa 'di ni chos kyi gtam mo/ /gang btang snyoms pas sgro btags pa med pa 'thob

_{iiif viewer powered by OpenSeadragon}

75a - 76a

Texts on this page