rKTs

e-texts navigator

Volume

Page

75a₁ gyis tshig smras pa dang / gang de bzhin gshegs pas tshig smras pa tshig de gnyis tha dad pa ma yin no/ /de ci'i phyir zhe na/ tshig thams cad ni de bzhin gshegs pa'i tshig ste/ tshig thams cad ni de bzhin nyid las
75a₂ mi 'da' ba'o/ /gang tshig gi rnam par rig par byas pa ste thams cad ni rnam par rig pa med pas rnam par rig par byas pa ste/ de bas na tshig thams cad yi ge mnyam pa'i phyir/ yi ge mtshungs pa'i phyir/ yi ge stong pa'i
75a₃ phyir tshig thams cad ni mtshungs pa'o/ /mnyam par gnas pas smras pa/ 'jam dpal de bzhin gshegs pas 'phags pa'i tha snyad du 'dogs pa dang / 'phags pa ma yin pa'i tha snyad du 'dogs pa zhes ma gsungs
75a₄ sam/ smras pa/ rigs kyi bu yi ge gang dag gis 'phags pa rnams kyi tha snyad du 'dogs pa'i yi ge de dag nyid kyis 'phags pa ma yin pa rnams kyang tha snyad du 'dogs so/ /smras pa/ 'jam dpal de de bzhin no/ /
75a₅ smras pa/ ci yi ge de dag 'phags pa 'am 'phags pa ma yin pa zhes rtog gam/ smras pa/ de ma yin no/ /smras pa/ ji ltar yi ge de dag mi rtog rnam par mi rtog pa de bzhin du 'phags pa rnams ni rtog pa dang rnam par
75a₆ rtog pa thams cad dang bral ba'o/ /de dag la tha snyad med de/ 'phags pa rnams ni yi ger 'du shes pas tha snyad du mi 'dogs so/ /chosu 'du shes pa ma yin/ chos ma yin par 'du shes pas ma yin/ bdag tu 'du shes
75a₇ pas ma yin/ pha rol tu 'du shes pas ma yin no/ /'di lta ste dper na/ sil snyan dang / rnga bo che dang / rdza rnga dang / dung dag ni rkyen gyis sgra 'byung yang de dag rnam par mi rtog pa de bzhin du 'phags pa rnams rkyen kun 'byung
75a₈ ba mthong ba'i phyir tha snyad du 'dogs pas chags par mi byed/ mngon par chags par mi byed do/ /de nas byang chub sems dpa' mnyam par gnas kyis 'jam dpal gzhon nur gyur pa la 'di skad ces smras so/ /'jam dpal

_{iiif viewer powered by OpenSeadragon}

74b - 75b

Texts on this page