rKTs

e-texts navigator

Volume

Page

6a₁ le lo'i sems gdul ba'i phyir dang / byang chub kyi phyogs kyi chos ma thob pa rnams thob par bya ba'i phyir dang / thob pa rnams 'phel bar bya ba'i phyir dang / 'phel ba rnams yongs su smin par bya ba'i phyir dang / yongs
6a₂ su smin pa rnams yang dag par gzung bar bya ba'i phyir dang / yang dag par gzung ba rnams rnam par dbye ba'i brtson 'grus rtsom mo/ /de sems can gyi ched rnams dang sems can gyi bya ba rnams la yongs su mi skyo zhing yongs
6a₃ su yi mi chad de/ yongs su skyo ba'i sems mi skyed do/ /de gdol pa la phan gdags kyang rung / rgyal po la phan gdags kyang rung / shin tu lam ring por yang 'gro ste/ tha dad pa mi dmigs shing rgyun mi gcod pa yin no/ /
6a₄ gal te byang chub sems dpa' sdug bsngal zhing bkren pa'i sems can gyi dngos po thams cad ngan pa zhig gis gtams sam/ 'byor cing nor che ba gang yang rung ba zhig gis dngos po bzang po mchog gya nom pa zhig bstabs kyang de la
6a₅ byang chub sems dpa' snying brtse ba'i sems bzhag la gus par bstod cing / yang dag par gzeng bstod la/ yang dag par 'dzin du gzhug cing dngos po ngan pa de blang bar bya'o/ /de ci'i phyir zhe na/ 'di lta ste/ sdug bsngal ba'i
6a₆ sbyin pa 'di ni sbyin pa bya dka' ba yin pa'i phyir ro/ /de rnam par g.yeng ba'i sems gdul ba'i phyir bsam gtan la bsam gtan par byed do/ /ji ltar bsam gtan byed ce na/ tshangs pa 'di la byang chub sems dpa' ni
6a₇ thog ma kho nar lus legs par bsdams pa yin no/ /lus dben par gnas pa yin no/ /lus kyi 'du 'dzi rnams kyang yongs su spong ngo / /lus la lhag par chags pa yang 'dor ro/ /lus lci ba 'am yang ba yang shes so/ /
6a₈ lus dang mthun pa dang / lus 'tsho ba dang / lus kyi stobs kyang rab tu shes so/ /ngag legs par bsdam pa yin te/ smra ba nyung zhing rjod pa nyung ngo / /don smra ba yin zhing rigs pa smra ba yin te/ bre mo'i gtam la dga' ba

_{iiif viewer powered by OpenSeadragon}

5b - 6b

Texts on this page