rKTs

e-texts navigator

Volume

Page

66b₁ gi rgyud la bdag tu 'dzin pas byis pa so so'i skye bo rnams gnyisu byed de/ gnyis su med pa ni nam yang gnyis su mi 'gyur ro/ /ji tsam du mang du gnyisu byas kyang gnyisu med pa'i mtha' la gnyisu med do/ /smras
66b₂ pa/ 'jam dpal gnyisu med pa ci rnam par rig par byed/ smras pa/ gal te rnam par rig par byed de gnyis su med pa ma yin par 'gyur te/ gnyis su med pa ni rnam par rig pa med pa'o/ /tshangs pa gnyis
66b₃ zhes bya ba ni rnam par rig pa'o/ /de bzhin gshegs pas ni rnam par rig pa med par chos ston te/ chos de yang ji ltar ston pa de bzhin du ma yin no/ /de ci'i phyir zhe na/ chos de yi ge med pa'i phyir ro/ /smras pa/
66b₄ 'jam dpal de bzhin gshegs pas chos bstan pa gang du 'gro/ smras pa/ tshangs pa de bzhin gshegs pas chos bstan pa ni 'gro ba med par 'gro'o/ /smras pa/ 'jam dpal de bzhin gshegs pas mya ngan
66b₅ las 'das par 'gro ba'i chos ma bstan tam/ smras pa/ ci mya ngan las 'das pa la 'gro ba 'am/ 'ong bar dmigs sam/ smras pa/ mya ngan las 'das pa la 'ong ba yang med 'gro ba yang med do/ /smras pa/ tshangs
66b₆ pa de lta bas na de bzhin gshegs pas 'gro ba med par 'gro ba'i chos bstan to/ /smras pa/ ji ltar thos/ smras pa/ ji ltar brjod pa bzhin du'o/ /smras pa/ ji lta bur brjod/ smras pa/ ji ltar rnam par rig pa med
66b₇ pa dang thos pa med pa bzhin no/ /smras pa/ de bzhin gshegs pa'i chos nyan pa gang yin/ smras pa/ gang yul la zag pa med pa rnams so/ /smras pa/ chos 'di sus shes par 'gyur/ smras pa/ gang rtsod par mi
66b₈ 'gyur ba dang / shes par mi 'gyur ba dang / rjesu shes par mi 'gyur ba rnams so/ /smras pa/ 'jam dpal ji ltar na dge slong rtsod pa mang ba yin/ smras pa/ 'di ni rigs so/ /'di ni mi rigs so zhes bya ba 'di ni rtsod pa'o/ /

_{iiif viewer powered by OpenSeadragon}

66a - 67a

Texts on this page