| e-texts navigator |
| བོད་ཡིག |
65b1 nam bdag kyang dge ba'i rtsa ba yongasu mi 'bri la/ chung ngu na dud 'gro'i skye gnas su song ba yan chad sems can gzhan gyi dge ba'i rtsa ba rnams skyed pa 'di ni byang chub sems dpa' rnams kyi dge ba'i rtsa ba yongasu dag pa'o/ /dngos po
65b2 thams cad la mi lta ba'i phyir gtong ba ni byang chub sems dpa' rnams kyi dge ba'i rtsa ba'o/ /yongasu gdung ba med pa'i phyir tshul khrims ni byang chub sems dpa' rnams kyi dge ba'i rtsa ba'o/ /gnod sems med pa'i phyir bzod pa ni
65b3 byang chub sems dpa' rnams kyi dge ba'i rtsa ba'o/ /le lo med pa'i phyir brtson 'grus ni byang chub sems dpa' rnams kyi dge ba'i rtsa ba'o/ /rtse gcig pa'i phyir bsam gtan ni byang chub sems dpa' rnams kyi dge ba'i rtsa
65b4 ba'o/ /lta ba dang bral ba'i phyir shes rab ni byang chub sems dpa' rnams kyi dge ba'i rtsa ba'o/ /sems snyoms pa'i phyir byams pa ni byang chub sems dpa' rnams kyi dge ba'i rtsa ba'o/ /lhag pa'i bsam pa yongasu dag pa'i
65b5 phyir snying rje ni byang chub sems dpa' rnams kyi dge ba'i rtsa ba'o/ /chos la mos pa bskyed pa'i phyir dga' ba ni byang chub sems dpa' rnams kyi dge ba'i rtsa ba'o/ /mdza' ba dang sdang ba med pa'i phyir btang snyoms ni byang chub
65b6 sems dpa' rnams kyi dge ba'i rtsa ba'o/ /nyan thos dang rang sangs rgyas kyis mi 'dod pa'i phyir byang chub kyi sems mi gtong ba ni byang chub sems dpa' rnams kyi dge ba'i rtsa ba'o// // bam po bzhi pa/
65b7 de nas 'jam dpal gzhon nur gyur pa 'khor der 'dus te cang mi zer bar 'dug go/ /de nas bcom ldan 'das la tshangs pa khyad par sems kyis 'di skad ces gsol to/ /bcom ldan 'das 'jam dpal gzhon nur gyur pa 'di
65b8 'khor 'dir mchis te/ 'di ltar yang dag par brjod pa'i gtam cung zad kyang mi ston to/ /de'i tshe bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal chos bstan pa 'di la
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo