rKTs

e-texts navigator

Volume

Page

64b₁ rlom sems thams cad bcom pa de ni thams cad mkhyen pa nyid do/ /thob pa med cing rnam par rig pa med la sems can thams cad kyi sems kyi spyod pa de las shes par gyur pas na de'i phyir thams cad mkhyen pa nyid ces bya'o/ /ye shes
64b₂ thams cad mngon par rtogs pa dang / slob pa'i ye shes dang / mi slob pa'i ye shes dang / rang sangs rgyas kyi ye shes dang / thams cad mkhyen pa'i ye shes kyang 'di ltar rnam par bzhag pas na thams cad mkhyen pa nyid ces bya'o/ /
64b₃ yang dag par sbyor bas 'di la ye shes 'jug pas na de'i phyir thams cad mkhyen pa nyid ces bya'o/ /sman thams cad yongasu shes pas de'i phyir thams cad mkhyen pa nyid ces bya'o/ /nad thams cad zhi bar byas pas de'i phyir thams cad mkhyen
64b₄ par nyid ces bya'o/ /bcing ba thams cad bcom pas de'i phyir thams cad mkhyen pa nyid ces bya'o/ /bag chags kyis 'tshams sbyor ba thams cad bcom pas de'i phyir thams cad mkhyen pa nyid ces bya'o/ /rtag tu mnyam par bzhag pas de'i
64b₅ phyir thams cad mkhyen pa nyid ces bya'o/ /chos thams cad la the rtsom med pas de'i phyir thams cad mkhyen pa nyid ces bya'o/ /'jig rten pa dang / 'jig rten las 'das pa'i ye shes rnams kyang thams cad mkhyen pa 'di las rnam par
64b₆ bzhag pas na/ de'i phyir thams cad mkhyen pa nyid ces bya'o/ /tshangs pa de'i phyir thams cad mkhyen pa zhes bya ba ni thams cad mkhyen pa'i ye shes la mkhas pa'i tshig bla dgas so/ /de nas bcom ldan 'das la tshangs pa khyad par sems kyis
64b₇ 'di skad ces gsol to/ /bcom ldan 'das 'di ltar de bzhin gshegs pas sems can thams cad kyi sems kyi spyod pa thams cad kyang mkhyen la/ sems kyi dmigs pa la yang 'jug pa mi mnga' ba ni sangs rgyas kyi ye shes bsam
64b₈ gyis mi khyab ste ngo mtshar to/ /bcom ldan 'das de la yon tan gyi bye brag tshad ma mchis pa 'di lta bu 'di dag gda' na rigs kyi bu 'am/ rigs kyi bu mo su zhig bla na med pa yang dag par rdzogs pa'i byang chub tu sems mi skyed/

_{iiif viewer powered by OpenSeadragon}

64a - 65a

Texts on this page