| e-texts navigator |
| བོད་ཡིག |
64a1 thams cad mkhyen pa nyid yongasu rdzogs pa gang lags/ bcom ldan 'das kyis bka' stsal pa/ gang mig mi len/ gzugs mi len pa nas yid dang chos kyi bar du mi len te/ tshangs pa gang phyi dang nang gi
64a2 skye mched drug po 'di rnams mi len pa 'di ni thams cad mkhyen pa nyid yongasu rdzogs pa'o/ /tshangs pa de ltar thams cad mkhyen pa nyid yongasu rdzogs par byas nas mig la mi chags/ rna ba la mi chags/ sna la mi chags lce la
64a3 mi chags/ lus la mi chags/ yid la mi chags te/ de bas na de bzhin gshegs pa thams cad mkhyen pa'i ye shes chags pa med cing sgrib pa med pa yin no/ /tshangs pa thams cad mkhyen pa nyid ni chos gang yang mi len to/ /
64a4 tshangs pa 'di ltar thams cad mkhyen pa nyid ni chos thams cad kyi snod du ma gyur pa yin te/ tshangs pa snod ma yin pa zhes bya ba ni dngos po med pa'i tshig bla dgas so/ /dngos po med pa zhes bya ba ni bla gab med pa'i tshig bla dgas so/ /
64a5 thams cad mkhyen par ni bla gab med pa dang mtshungs pa ste/ de bas na nga chos gang yang mi len to/ /tshangs pa 'di lta ste dper na/ namakha' la gnas te/ bya ba thams cad byed kyang namakha' de ni mi gnas pa'o/ /de bzhin du thams
64a6 cad mkhyen pa nyid la ye shes thams cad rnam par bzhag kyang thams cad mkhyen pa nyid ni mi gnas pa'o/ /gsol pa/ bcom ldan 'das thams cad mkhyen pa nyid thams mkhyen pa nyid ces bgyi ba bcom ldan 'das ci'i slad du
64a7 rnam pa thams cad mkhyen pa nyid ces bgyi/ bka' stsal pa/ tshangs pa nyan thos rnams dang rang sangs rgyas rnams kyi spyod pa thams cad des shes te/ de'i phyir thams cad mkhyen pa nyid ces bya'o/ /de dag gi bsam pa thams
64a8 cad kun shes pa dang / sbyor ba kun shes pa dang / snying rje kun shes pa dang / bslab pa kun shes pa dang / yang dag par 'dzin pa kun shes pas de'i phyir thams cad mkhyen pa nyid ces bya'o/ /rgyu ba thams cad rnam par spangs pa dang /
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo