| e-texts navigator |
| བོད་ཡིག |
62a1 yang dag par 'das pa'i byang chub sems dpa' rnams la lung bstan par 'gyur bar de ltar rig par bya'o/ /de nas bcom ldan 'das la tshangs pa khyad par sems kyis 'di skad ces gsol to/ /bcom ldan 'das lung
62a2 bstan pa lung bstan pa zhes bgyi ba lung bstan pa de gang gi tshig bla dgas lags/ bcom ldan 'das kyis bka' stsal pa/ chos thams cad la gnyis dang bral ba ste/ de'i phyir lung bstan pa zhes bya'o/ /skye ba dang 'jig par
62a3 sgro mi 'dogs pa ste/ de'i phyir lung bstan pa zhes bya'o/ /lus dang ngag dang yid kyi las rnams kyis dben pa ste/ de phyir lung bstan pa zhes bya'o/ /tshangs pa ngas mngon par shes pa 'das pa'i dus na bskal pa mdzes par snang ba
62a4 zhes bya ba byung ste/ de la de bzhin gshegs pa khrag khrig phrag bdun bcu rtsa gnyis byung ste/ de bzhin gshegs pa de dag thams cad la ngas bkur stir byas/ btsun par byas/ ri mor byas/ mchod par byas kyang de bzhin
62a5 gshegs pa de dag gis nga lung ma bstan to/ /de'i pha rol tu bskal pa shin tu sprul pa zhes bya ba byung ste/ de la de bzhin gshegs pa bye ba phrag bdun bcu rtsa gnyis la ngas bkur stir byas/ btsun par byas/ ri mor byas/
62a6 mchod par byas kyang de bzhin gshegs pa de dag gis nga lung ma bstan to/ /tshangs pa de'i yang pha rol na tshangs pas bstod pa zhes bya ba'i bskal pa byung ste/ de la de bzhin gshegs pa stong phrag bcwo brgyad la ngas bkur stir byas/
62a7 btsun par byas/ ri mor byas/ mchod par byas kyang de bzhin gshegs pa de dag gis nga lung ma bstan to/ /tshangs pa de'i pha rol na bskal pa legs par drangs pa zhes bya ba byung ste/ de la de bzhin gshegs pa stong phrag sum bcu rtsa
62a8 gnyis la ngas bkur stir byas/ btsun par byas/ ri mor byas/ mchod par byas kyang de bzhin gshegs pa de dag gis nga lung ma bstan to/ /de'i yang pha rol na tshangs pa bskal pa bkod pa zhes bya ba byung ste/ de la de bzhin
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo