rKTs

e-texts navigator

Volume

Page

5b₁ mngon du phyogs pa/ dge ba'i phyogs la mi phyogs pa/ yul la mngon du phyogs pa/ bden pa la mi phyogs pa/ bde ba la mngon du phyogs pa/ sdug bsngal la mi phyogs pa/ smra ba la dga' ba la phyogs pa/ de kho na la rnam par lta
5b₂ ba la mi phyogs pa/ mi gtsang ba la mngon du phyogs pa/ gtsang ba la mi phyogs pa/ gdul dka' ba/ gzung dka' ba/ gnas med pa/ rten med pa/ gsog gsob/ skad cig pa/ rgyu dang rkyen tshogs pa las byung ba yin na/
5b₃ mkhas pa'i rang bzhin can su zhig 'di lta bu'i rang bzhin can gyi sems kyi dbang du 'gro zhing rjes su 'jug snyam du bsam mo/ /de de ltar sems dran pa nye bar gnas pas sems gdul ba'i phyir nan tan byed do/ /de ser sna'i
5b₄ sems gdul ba'i phyir sbyin pa sbyin par byed de/ tha na kham cig tsam 'am/ rgya brag tsam 'am/ mon sran gre'u tsam 'am/ til 'bru tsam yang rung / de yang thams cad la sbyin par byed kyi/ sdug pa rnams la ma yin/ 'dris
5b₅ pa rnams la yin no/ /de 'chal ba'i tshul khrims kyi sems gdul ba'i phyir tshul khrims bsrung ste/ lus dang / ngag dang / yid kyi skyon med par byed pa yin/ 'dren mar mi byed pa yin/ nag nog can du mi byed pa yin
5b₆ te tshul khrims des bdag la bstod par mi byed/ gzhan la smod par mi byed do/ /de gnod sems kyi sems 'dul ba'i phyir bzod pa sgom ste/ de grong ngam grong rdal du zhugs pa na gshe yang ci mi snyam par byed do/ /
5b₇ brgyab kyang rung rdeg kyang rung / sdigs kyang rung / rnam par 'jom yang rung / smod kyang rung ste ci mi snyam par byed do/ /kye ma dge sbyong 'di ni mgo reg ngan pa'o/ /kye ma dge sbyong 'di ni mgo reg mi sdug pa ngan pa'o zhes 'jig
5b₈ rten gyis dpyas kyang ci mi snyam par byed do/ /yang dag par ma yin pas skur kyang bzod par byed cing dang du len pa las bdag gi bya ba nyid la rton te/ bzod pa des kyang bdag la bstod par mi byed/ gzhan la smod par mi byed do/ /

_{iiif viewer powered by OpenSeadragon}

5a - 6a

Texts on this page