rKTs

e-texts navigator

Volume

Page

53a₁ de chos kyi dbyings mnyam pa nyid de gang yin pa de nyid las kyang mi 'da'o/ /smras pa/ rigs kyi bu chos rnams kyi mnyam pa nyid gang yin/ smras pa/ gang gnas brtan gyis yongs su shes pa ston te/ gnas brtan gyis kyang
53a₂ 'phags pa'i chos rnams bskyed dam/ smras pa de ma yin no/ /smras pa/ ji khyod kyis so so'i skye bo rnams 'gag par byas sam/ smras pa de ma yin no/ /smras pa 'o na khyod kyis 'phags pa'i chos rnams thob bam/ smras pa de
53a₃ ma yin no/ smras pa/ 'o na ci khyod kyis so so'i skye bo'i chos rnams yongs su shes sam/ smras pa de ma yin no/ /smras pa 'o na gnas brtan gyis yongs su shes pas ci mngon par rtogs/ smras pa/ byis pa so so'i
53a₄ skye bo thos pa dang mi ldan pa rnams kyi de bzhin nyid gang yin pa rnam par grol ma thag pa'i de bzhin nyid kyang de yin/ yongs su mya ngan las 'das pa'i de bzhin nyid kyang de yin no/ /smras pa/ btsun pa shA ri'i bu de
53a₅ bzhin nyid de ni ma log pa de bzhin nyid dang / gzhan ma yin pa de bzhin nyid dang / mi 'gyur ba de bzhin nyid dang / mi 'khrug pa de bzhin nyid de/ btsun pa shA ri'i bu de bzhin nyid 'dis chos thams cad kyi de bzhin
53a₆ nyid rjes su rig par bya'o/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das 'di lta ste/ dper na me'i phung po rab tu 'bar ba'i me lce thams cad ni bsregs par nye
53a₇ bar gnas pa lags so/ /bcom ldan 'das de bzhin du rigs kyi bu 'di dag gis bstan pa thams cad chos kyi dbyings bstan pa ste/ chos bstan pa thams cad kyang nyon mongs pa thams cad sregs par nye bar gnas
53a₈ pa lags so/ /bcom ldan 'das kyis bka' stsal pa/ shA ri'i bu de de bzhin no/ /de ni ji skad ston pa de bzhin te/ rigs kyi bu 'di dag bstan pa thams cad chos kyi dbyings bstan pa ste/ chos bstan pa thams cad kyang

_{iiif viewer powered by OpenSeadragon}

52b - 53b

Texts on this page