rKTs

e-texts navigator

Volume

Page

51b₁ ba'ang de dang 'dra'o/ /smras pa de ni de bzhin gshegs pas sprul pa la skye ba gang yang med do/ /smras pa ci de bzhin gshegs pas sprul pas snang ngam/ smras pa/ las khyu mchog lta bur gyur pa'i
51b₂ phyir snang ngo / /smras pa/ rigs kyi bu las khyu mchog lta bur gyur pa'i phyir bdag gi skye ba yang de bzhin du blta'o/ /smras pa/ tshangs pa ji las mngon par 'du byed pa la spyod dam/ smras pa/ rigs kyi bu bdag ni las
51b₃ mngon par 'du byed pa la mi spyod do/ /smras pa/ las med pa la de ji ltar las khyu mchog lta bur 'gyur/ smras pa/ las ji lta ba bzhin du de'i khyu mchog kyang de bzhin nyid las mi 'da'o/ /de nas bcom ldan 'das la
51b₄ gnas brtan shA ri'i bus 'di skad ces gsol to/ /bcom ldan 'das glang po che 'di dag gi ldem po ngag la gang 'jug par 'gyur ba de dag ni bsod nams mang du skyed par 'gyur ro/ /de ci'i phyir zhe na/ bcom ldan 'das skyes
51b₅ bu dam pa de dag gi ming tsam thos pa yang legs par thos pa lags na/ chos bstan pa lta smos kyang ci 'tshal/ bcom ldan 'das 'di lta ste dper na/ shing ljon pa sa chen po la ma brten par rtsa ba dang / sdong po dang /
51b₆ yal ga dang / lo ma dang / me tog dang / 'bras bu ston pa ltar bcom ldan 'das skyes bu dam pa 'di dag gi spyod pa'i mtshan nyid kyang de bzhin du blta'o/ /'di ltar chos thams cad la mi gnas shing / spyod pa dang / skye ba dang /
51b₇ 'byung ba dang / 'pho ba dang / 'chi ba yang ston la sangs rgyas kyi zhing dag na yang gda' ba de dag la lhag par shes rab kyi spobs pa 'di lta bu yang spobs par 'gyur ro/ /bcom ldan 'das shes rab kyi spobs pas rnam par 'phrul pa
51b₈ 'di lta bu mthong na rigs kyi bu 'am rigs kyi bu mo su zhig bla na med pa yang dag par rdzogs pa'i byang chub tu sems mi skyed/ / // bam po gsum pa/ yang de'i tshe byang chub sems dpa' kun tu me tog ces bya ba

_{iiif viewer powered by OpenSeadragon}

51a - 52a

Texts on this page