| e-texts navigator |
| བོད་ཡིག |
50a1 de la le lo byed do zhes sems can rnams la de bzhin gshegs pa'i snying rje chen po skye'o/ /sems can rnams ni chags pa med pa'i sangs rgyas kyi ye shes mchog khyad par du 'phags pa'i yongs su mya ngan las 'das
50a2 pa 'di btang zhing / gang 'di theg pa dman pa nyan thos dang rang sangs rgyas kyi theg pa tshol te/ de dag gang 'di sangs rgyas kyi ye shes la dmig par bya ba'i phyir rgya chen po la sems mos par bya'o/ /zhes sems can rnams
50a3 la de bzhin gshegs pa'i snying rje chen po skye'o/ /tshangs pa sems can rnams la de bzhin gshegs pa'i snying rje rnam pa sum bcu rtsa gnyis po de dag dang ldan par skye ste/ de'i phyir de bzhin gshegs pa snying rje chen po la gnas pa zhes
50a4 bya'o/ /tshangs pa byang chub sems dpa' gang la la snying rje chen po rnam pa sum bcu rtsa gnyis po 'di dag dang ldan par sems can rnams la 'jug na/ tshangs pa byang chub sems dpa' sems dpa' chen po 'di ni bsod nams kyi zhing gzi
50a5 brjid chen po yongs su rgyas pa/ phyir mi ldog pa/ sems can gyi don la brtson par shes par bya'o/ /yang snying rje chen po'i chos kyi sgo'i le'u 'di bshad pa na srog chags stong phrag sum bcu rtsa gnyis bla na med pa yang dag par
50a6 rdzogs pa'i byang chub tu sems skyeso/ /srog chags brgya stong gis ni bzod pa rab tu thob par gyur to/ /lha'i bu stong phrag bdun bcu rtsa gnyis ni chos rnams la rdul med cing dri ma dang bral ba'i chos kyi mig rnam par dag go/ /
50a7 de nas bcom ldan 'das la byang chub sems dpa' dra ba can gyi 'od kyis 'di skad ces gsol to/ /bcom ldan 'das tshangs pa khyad par sems 'di de bzhin gshegs pa'i thugs rje chen po dang ldan pa'i chos bstan pa 'di thos
50a8 na dga' bar mi bgyid/ rangs par mi 'gyur ro/ /khyad par sems kyis smras pa/ rigs kyi bu gang gi rnam par shes pa gnyis dang ldan pa de dag la ni dga' ba 'am rangs pa yang 'gyur gyi gnyis su med pa yang dag pa'i mtha'
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo