rKTs

e-texts navigator

Volume

Page

4b₁ gcod du mi 'jug go/ /gzhan dag srog gcod pa la yang rjesu yid rangs par mi byed do/ /bdag gis kyang mi gcod do/ /gzhan dag kyang gcod du mi 'jug go/ /gzhan dag gcod pa la yang rjesu yid rangs bar mi byed do/ /bdag kyang
4b₂ mi rdeg go/ /gzhan dag kyang rdeg du mi 'jug go/ /gzhan dag rdeg par byed pa la yang rjesu yid rang bar mi byed do/ /ji ltar na ma byin pa len pa spong ba yin zhe na/ tshangs pa 'di la byang chub sems dpa' ni sems can rnams kyi 'tsho ba'i
4b₃ yo byad gang dag yin pa 'di lta ste/ gser dang / nor bu dang / mu tig dang / bai DUr+ya dang / dung dang / mal shel dang / byi ru dang / sa le sbram dang / dngul la sogs pa dang / gos dang / rgyan gyi rnam pa dag dang / nor dang / 'bru dang /
4b₄ mdzod dang / bde ba'i rnam pa de dag la chags pa mi skyed/ de dag la rnam par rtog par mi byed cing rku 'phrog mi byed do/ /rku 'phrog byed du mi 'jug go/ /rku 'phrog byed pa rnams la rjesu yid rang bar mi byed do/ /de grong na yod pa
4b₅ 'am/ dgon pa na yod pa ma byin zhing ma gnang ba rtswa'i 'dab ma tsam yang len par mi byed do/ /ji ltar na mi tshangs par spyod pa spong ba yin zhe na/ tshangs pa 'di la byang chub sems dpa' dbang po rnams kyi sgo legs par bsrung
4b₆ shing gnas pa yin/ legs par bsdam pa yin/ 'thun pa'i gnas su rgyu ba yin/ shin tu bsrung ba'i dran pa dang ldan pa yin/ rtag tu bsrung ba'i dran pa dang ldan pa yin/ de dran pas yid kun tu bsrung ba yin/ lus
4b₇ dang ngag shin tu bsdams pa yin no/ /'thun pa'i gnas su rgyu la dran pa dang ldan pa yin zhing 'di snyam du yang sems bskyed do/ /mi zhig gis bye ma zhib mo shin tu bsregs pa lag pa gnyis kyi snyim pas blang te mig bkang
4b₈ ba na sla'i/ chags pa'i sems kyis yul gyi bzang mo la lta ba ni de lta ma yin no/ /de ci'i phyir zhe na/ bdag yul gyi bzang mo la bltas pas yun ring por phung zhing bcom la ma rung bar gyur pa'i phyir ro snyam mo/ /de de ltar lus

_{iiif viewer powered by OpenSeadragon}

4a - 5a

Texts on this page