| e-texts navigator |
| བོད་ཡིག |
49b1 snying rje chen po skye'o/ /kye ma 'jig rten gnas pa 'di ni phyin ci log dang ldan zhing lam nyam nga bar zhugs pa lam gol ba la gnas pa yin te/ de dag yang dag pa'i lam du gzung bar bya'o zhes sems can rnams la de
49b2 bzhin gshegs pa'i snying rje chen po skye'o/ /kye ma 'jig rten gnas pa 'di ni rkam zhing chags pa'i zil gyis gnon pa mchog mi shes shing gzhan gyi nor 'phrog pa yin te/ de dag 'phags pa'i nor dad pa dang / tshul khrims dang /
49b3 thos pa dang / gtong ba dang / shes rab dang / ngo tsha shes pa dang / khrel yod pa'i nor la dgod do zhes sems can rnams la de bzhin gshegs pa'i snying rje chen po skye'o/ /kye ma sems can 'di dag nor dang / 'bru dang / khyim dang /
49b4 bu dang / chung ma la sred pas 'khol cing snying po med pa la snying por 'dzin te/ de dag la shin tu mi rtag pa nyid bstan to zhes sems can rnams la de bzhin gshegs pa'i snying rje chen po skye'o/ /kye ma sems can 'di dag ma
49b5 rig pas 'tsho zhing gcig la gcig 'drid pa la gnas te/ de dag 'tsho ba yongasu dag par bya ba'i phyir chos bstan to/ /zhes sems can rnams la de bzhin gshegs pa'i snying rje chen po skye'o/ /kye ma sems can 'di dag mi
49b6 mdza' ba yin na khe dang / bkur stir rgyas nas bdag cag mdza'o snyam du sems te/ de dag gi gang 'di sdug bsngal rnam par zhi ba'i bde ba mya ngan las 'das pa la shin tu yang dag pa'i bshes gnyen bya'o/ /zhes sems can
49b7 rnams la de bzhin gshegs pa'i snying rje chen po skye'o/ /kye ma sems can 'di dag ni shin tu nyon mongs par gyur cing sdug bsngal gyi chos mang ba khyim gyi gnas la mngon par dga' ba de dag khams gsum las bzla ba'i phyir 'byung
49b8 ba'i chos bstan to/ /zhes sems can rnams la de bzhin gshegs pa'i snying rje chen po skye'o/ /chos thams cad ni rgyus nye bar 'gro ba rnam par bsgrub pas nye bar gnas pa'i mtshan nyid de/ 'phags pa'i rnam par grol ba
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo