rKTs

e-texts navigator

Volume

Page

42b₁ gshegs pas mngon par sangs rgyas so/ /bshad kyang snang ba'i gzugs ma lags/ kun mkhyen kyang rnam par mkhyen pa ma mchis/ bsgom kyang gnyisu ma bgyis/ mngon du bgyis kyang thob par
42b₂ ma mchis/ mya ngan las bzlas kyang zhi ba yang ma mchis te/ bcom ldan 'das rigs kyi bu 'am rigs kyi bu mo gang rnams chos kyi tshul gyi rnam pa 'di la mos pa de dag ni lta bar gyur pa thams cad las rnam
42b₃ par grol bar 'gyur ro/ /de bzhin gshegs pa la bsnyen bkur bgyis shing sngon gyi rgyal ba la lhag par bgyi ba bgyis pa lags so/ /de dag dge ba'i bshes gnyen gyis yongasu bzung ba lags so/ /de dag dge ba'i
42b₄ rtsa ba 'bar ba'i slad du rgya chen po las mos par 'gyur ro/ /de dag de bzhin gshegs pa'i mdzod 'chang ba'i slad du gter rab tu rnyed par 'gyur ro/ /de dag legs par bgyi ba'i las bgyid pa'i slad du las kyi mtha' shin
42b₅ tu 'thun par 'gyur ro/ /de dag sangs rgyas kyi rigs 'dzin pa'i slad du rigs btsun par 'gyur ro/ /de dag nyon mongs pa thams cad yongasu btang ba'i slad du gtong ba chen po dang ldan par 'gyur ro/ /de dag tshul khrims
42b₆ kyi stobs dang ldan par 'gyur te/ nyon mongs pa'i stobs can ma lags/ lus srog bor ba'i slad du de dag bzod pa'i stobs can du 'gyur ro/ /de dag yid yongs su skyo ba ma mchis pa'i slad du brtson 'grus kyi
42b₇ stobs can du 'gyur ro/ /de dag sdig pa'i las bsregs pa'i slad du bsam gtan gyi stobs can du 'gyur ro/ /de dag sdig par lta ba rnams dang bral ba'i slad du shes rab gyi stobs can du 'gyur ro/ /de dag bdud rnams
42b₈ kyis rab tu thub par dka' bar 'gyur ro/ /de dag phyir rgol ba rnams kyis mi rdzi bar 'gyur ro/ /de dag de bzhin gshegs pa rnams la mi slu bar 'gyur ro/ /de dag chos kyi rang bzhin ston pa la mkhas pa'i slad du yang

_{iiif viewer powered by OpenSeadragon}

42a - 43a

Texts on this page