rKTs

e-texts navigator

Volume

Page

41b₁ chos gang yang ma dmigs na/ ji mngon par brtags pas de bzhin gshegs pa byang chub brnyes shing yang dag par rdzogs par sangs rgyas zhes bgyi/ bcom ldan 'das kyis bka' stsal pa/ tshangs pa 'di ci snyam du
41b₂ sems/ gang ngas 'dus byas sam 'dus ma byas kyi chos bshad pa 'di dag de bzhin nam de lta ma yin/ gsol pa/ bcom ldan 'das ma mchis pa lags so/ /bde bar gshegs pa ma mchis so/ /bcom ldan 'das kyis
41b₃ bka' stsal pa/ tshangs pa chos gang rnams med pa de dag yod dam/ 'on te med gsol pa/ bcom ldan 'das gang ma mchis pa de ni mchis pa 'am ma mchis pa zhes mi bgyi'o/ /bcom ldan 'das kyis bka' stsal pa/
41b₄ chos gang yang yod pa yang ma yin/ med pa yang ma yin pa de la mngon par rdzogs par byang chub pa gang yod dam/ gsol pa/ bcom ldan 'das de la mngon par rdzogs par byang chub pa gang yang ma mchis so/ /bcom ldan 'das
41b₅ kyis bka' stsal pa/ tshangs pa de ltar de bzhin gshegs pa byang chub kyi snying po la zhugs nas med pa phyin ci log las byung ba'i kun nas nyon mongs pa shin tu rang bzhin gyis mi skye ba'i ngo bo nyid du mkhyen te/ ji ltar shin tu
41b₆ mi mkhyen pa yang shin tu rnam par mi dmigs pa de ltar mkhyen to/ /de ci'i phyir zhe na/ tshangs pa ngas 'di ltar chos gang yang mngon par sangs rgyas pa de ni ma mthong / ma thos/ mi dran/ ma rtogs/ rnam par mi rig cing /
41b₇ gzung ba yang med/ sbyar ba yang med/ brjod du yang med/ rjesu sbyor ba yang med/ yul thams cad las 'das pa/ smrar med pa/ rab tu smrar med pa/ dpyod pa med pa/ rtogs par mi rung ba/ yi ge med pa/
41b₈ tshig gi lam med pa/ rnam par rig pa med pa yin te/ tshangs pa de ltar chos gang namakha' dang 'dra ba'i chos de mngon par rtogs par 'dod dam/ gsol pa bcom ldan 'das de ma lags so/ /bcom ldan 'das sangs rgyas

_{iiif viewer powered by OpenSeadragon}

41a - 42a

Texts on this page