| e-texts navigator |
| བོད་ཡིག |
3b1 du dran pa dang ldan pa yin zhing yang dag par ji lta ba bzhin du rab tu shes so/ /de gcig pu dben par 'dug ste nang du yang dag bzhag nas 'khrug pa med pa'i yid kyis lus 'di nyid la 'di lta ste/ kye ma lus 'di ni mi brtan pa/
3b2 mi rtag pa/ rang bzhin gyis nyam chung ba/ snying po med pa/ ther zug ma yin pa/ rnam par 'thor ba'i chos can/ rnam par 'jig pa'i chos can/ rten cing 'brel pa 'byung ba/ sgyu ma dang 'dra ba/ zil pa'i thig pa dang 'dra
3b3 ba/ g.yo ba mi gnas pa/ mi gtsang ba/ rnag gi dri ma can/ rlung dang nyi mas mthar thug pa/ mthar 'dul ba/ mthar rdul du 'gyur ba/ ngan skyugs kyi mthar thug pa/ nad mang ba/ gnod pa can/ 'go ba'i nad mang ba/ na ba/ 'jig
3b4 pa'i ngang can/ rus pa bsogs pa/ dri nga ba/ 'dzeg pa can bsgrims te rim 'gro byed dgos pa yin par yang dag pa'i dran pas yang dag par ji lta ba bzhin du so sor rtog go/ /de de ltar yang dag pa'i dran pas lus kyi skyon
3b5 rnams yang dag par ji lta ba bzhin du rab tu shes pas lus la chags pa dang / lus la kun tu 'dod chags dang / lus la bdag gi nyid yin pa mi bskyed do/ /de lus la mi lta bas srog la chags pa dang / srog la
3b6 kun tu 'dod chags dang / srog la bdag gi nyid yin pa mi bskyed do/ /de lus dang srog la mi lta bar chos gos ngan ngon dang / kha zas ngan ngon dang / mal cha dang / stan ngan ngon dang / na ba'i gsos sman dang / yo byad ngan ngon tsam dag gis
3b7 chog par 'dzin pa yin no/ /de tshangs pa mtshungs par spyod pa rnams kyi bya ba gang dag yin pa don dang ldan pa rnams sam/ dge ba dang ldan pa rnams kyang de dag la stong par byed de/ yongs su mi skyo zhing yongs su yid 'chad pa med la yongs
3b8 su skyo ba'i sems mi bskyed do/ /de mkhan po dang slob dpon gyi gan du 'gro na dran pa dang ldan zhing 'di snyam du sems te/ mkhan po dag ni bsnyen par dka' bo/ /slob dpon dag ni bsnyen par dka' ba ste/ bdag der song ba na sdig pa
iiif viewer powered by OpenSeadragon
Texts on this page
J102 - 'phags pa tshangs pas zhus pa zhes bya ba theg pa chen po'i mdo