rKTs

e-texts navigator

Volume

Page

3a₁ te bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas mi 'jed kyi bdag po tshangs pas bcom ldan 'das la 'di skad ces gsol to/ /gal te zhus nas zhu ba
3a₂ lung bstan pa'i slad du/ bcom ldan 'das kyis bdag la skabs dbye bar gnang na de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa dang /
3a₃ bcom ldan 'das kyis mi 'jed kyi bdag po la 'di skad ces bka' stsal to/ /tshangs pa zhu ba lung bstan pa'i phyir de bzhin gshegs pas rtag tu khyod la skabs phyes/ tshangs pa khyod ci dang ci 'dod pa de bzhin gshegs pa la
3a₄ zhus shig dang / zhus pa de dang de nyid kyi lung bstan pas ngas khyod kyi sems rangs par bya'o/ /de nas bcom ldan 'das kyis skabs phye bas mi 'jed kyi bdag po tshangs pas bcom ldan 'das la 'di skad ces gsol to/ /bcom
3a₅ ldan 'das byang chub sems dpa' sems dpa' chen po dag chos du dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ba lags/ de skad ces gsol pa dang / bcom ldan 'das kyis
3a₆ mi 'jed kyi bdag po tshangs pa la 'di skad ces bka' stsal to/ /tshangs pa byang chub sems dpa' sems dpa' chen po dag chos gcig dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /
3a₇ chos gcig gang zhe na/ 'di lta ste/ lus kyi rjes su song ba'i dran pa'o/ /tshangs pa byang chub sems dpa' lus kyi rjesu song ba'i dran pa ci lta bu yin zhe na/ tshangs pa 'di la byang chub sems dpa' ni 'gro'o snyam pa'i dran pa dang ldan pa
3a₈ yin zhing yang dag par ji lta ba bzhin du rab tu shes so/ /ldog go snyam du dran pa dang ldan pa yin zhing yang dag par ji lta ba bzhin du rab tu shes so/ /nyal lo snyam pa dang / ldang ngo snyam pa dang / 'chag go snyam pa dang / 'dug go snyam pa

_{iiif viewer powered by OpenSeadragon}

2b - 3b

Texts on this page