| e-texts navigator |
| བོད་ཡིག |
38b1 nas ni/ /'jig rten dag kyang 'jig mi byed/ /phung po rnams la rang bzhin med/ /'di ni 'jig rten chos nyid do/ /gang rnams de ltar mi shes pa/ /de dag rtag tu 'jig rten gnas/ /
38b2 ma skyes pa dang ma byung bar/ /gang gi phung po kun shes pa/ /de dag 'jig rten spyod 'gyur yang / /'jig rten 'di la 'ang mi gnas so/ /'jig rten chos rnams mi shes shing / /'du shes gnyis la
38b3 gang gnas pa/ /'di bden 'di ni brdzun no zhes/ /mi mkhas de dag rtsod par 'gyur/ /'di ltar 'jig rten chos rnams kyi/ /yang dag chos nyid ngas shes pas/ /nga ni 'jig rten rnams dang yang / /
38b4 nam kyang rtsod par mi byed do/ /rtsod pa med pa'i chos 'di ni/ /sangs rgyas kun gyis bshad pa ste/ /'jig rten mnyam pa nyid shes na/ /'di la bden pa'am brdzun pa med/ /brdzun pa 'am yang na
38b5 bden pa zhig / bstan pa la ni rnyed gyur na/ /mthar 'dzin par ni de 'gyur te/ /mu stegs can dang khyad par med/ /gang phyir chos rnams yang dag min/ /bden pa dang ni brdzun pa med/ /de phyir 'jig rten
38b6 'das pa'i chos/ /ngas 'di gnyisu med par bshad/ /'jig rten chos nyid ji lta bar/ /gang gi 'jig rten 'di shes pa/ /mkhas pa de dag bden pa 'am/ /brdzun pa'i lta ba 'ang mi 'dzin to/ /namakha'
38b7 lta bur rnam dag par/ /gang gi 'jig rten 'di shes pa/ /grags pa chen po'i 'jig rten gyi/ /snang ba lta bur gyur pa yin/ /nga nyid kyis ni mthong ba ltar/ /de ltar gang gis 'jig rten mthong / /phyogs
38b8 dang phyogs mtshams gang bzhugs pa/ /rdzogs pa'i sangs rgyas de dag gzigs/ /chos rnams ngo bo nyid med par/ /brten pa'i chos rnams rab tu shes/ /gang dag 'jig rten bshis pa ni/ /de dag chos nyid
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo