rKTs

e-texts navigator

Volume

Page

34b₁ bcom ldan 'das la gzhon nur gyur pa dra ba can gyi 'od kyis 'di skad ces gsol to/ /bcom ldan 'das gang dag chos gang la skye ba 'am 'gag par 'tshal ba de dag la sangs rgyas 'byung ba ma mchis so/ /
34b₂ bcom ldan 'das gang dag mya ngan las 'das pa dngos por tshol ba de dag la yang 'khor ba las 'da' ba ma mchis so/ /de ci'i slad du zhe na/ bcom ldan 'das mya ngan las 'das pa zhes bgyi ba ni gang mtshan ma thams
34b₃ cad rab tu zhi ba dang / g.yo ba thams cad ma mchis par gyur pa lags na bcom ldan 'das skyes bu blun po 'di dag legs par bshad pa'i chos 'dul ba la rab tu byung nas mu stegs can gyi lta bar lhung ste mya ngan las
34b₄ 'das par dngos por tshol lo/ /'di lta ste/ bcom ldan 'das til las til mar dang / 'o ma las mar bzhin du chos thams cad shin tu mya ngan las 'das pa la gang rnams mya ngan las 'das pa la dngos por tshol ba de dag
34b₅ ni nyan thos mu stegs can nga rgyal can zhes bdag mchi'o/ /bcom ldan 'das rnal 'byor spyod pa yang dag par zhugs pa'i chos gang la yang skye ba 'am 'gag par mi mthong / chos gang la'ang 'thob pa 'am mngon par
34b₆ rtogs par mi 'tshal lo/ /de nas gzhon nur gyur pa dra ba can gyi 'od kyis tshangs pa khyad par sems la 'di skad ces smras so/ /tshangs pa dge slong lnga brgya 'khor 'di nas stan las langs te dong ba 'di dag ci nas kyang chos
34b₇ 'di dag ci nas kyang chos 'dul ba la 'jug pa dang / mos par 'gyur ba dang / sdig pa'i lta bar 'gyur ba de las rnam par grol bar ston cig /smras pa/ rigs kyi bu 'dod la rag go/ /'dod la rag go/ /gal te
34b₈ sangs rgyas kyi zhing gang gA'i klung gi bye ma snyed du dong yang bstan pa 'di las mi thar to/ /rigs kyi bu 'di lta ste dper na/ skyes bu byis pa'i rang bzhin can nam mkhas 'jigs shing skrag ste bros kyang de ga las gar

_{iiif viewer powered by OpenSeadragon}

34a - 35a

Texts on this page