| e-texts navigator |
| བོད་ཡིག |
2a1 snyoms par zhugs so/ /bcom ldan 'das de las bzhengs nas rtog pa med pa/ dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa la snyoms par zhugs so/ /bcom ldan 'das de las
2a2 bzhengs nas dga' ba'i 'dod chags dang bral ba/ btang snyoms pa dran pa dang ldan pa/ bde bar gnas pa bsam gtan gsum pa la snyoms par zhugs so/ /bcom ldan 'das de las bzhengs nas bde ba yang spangs te/ snga nas
2a3 sdug bsngal yang spangs shing yid bde ba dang yid mi bde ba yang nub pas phyir sdug bsngal yang med bde ba yang med pa btang snyoms dang dran pa yongs su dag pa bsam gtan bzhi pa la snyoms par zhugs so/ /de nas bcom ldan 'das
2a4 bsam gtan bzhi pa las bzhengs nas bsam gtan gsum pa la zhugs so/ /bsam gtan gsum pa las bzhengs nas bsam gtan gnyis pa la zhugs so/ /bsam gtan gnyis pa las bzhengs nas bsam gtan dang po la zhugs so/ /
2a5 bsam gtan dang po las bzhengs nas gdul bya ji lta ba bzhin du sems can la gzugs kyi lus kun tu ston pa zhes bya ba'i ting nge 'dzin la snyoms par zhugs so/ /bcom ldan 'das gdul bya ji lta ba bzhin du sems can la gzugs kyi
2a6 lus kun tu ston pa'i ting nge 'dzin de la snyoms par zhugs ma thag tu de nas skad cig de la bcom ldan 'das shin tu lham me lhan ne lhang nger bzhugs te/ mi 'jed kyi bdag po tshangs pas tshangs pa'i gnas na 'dug bzhin du bcom ldan 'das
2a7 shin tu lhame lhan ne lhang nge ba dang skyes bu chen po'i mtshan sum bcu rtsa gnyis kyis legs par brgyan pa mthong ngo / /mthong nas kyang tshangs pa'i 'jig rten nas mi snang bar gyur nas thams cad dang ldan pa'i tshal chen po 'od kyis snang bar byas te/
2a8 bcom ldan 'das kyi spyan sngar ha cang yang mi ring ba zhig du 'dug go/ /de nas mi 'jed kyi bdag po tshangs pas 'di snyam du bsam te/ sangs rgyas bcom ldan 'das rnams ni bsnyen par dga' ba rnam par shes pa dka' ba yin na bcom ldan
iiif viewer powered by OpenSeadragon
Texts on this page
J102 - 'phags pa tshangs pas zhus pa zhes bya ba theg pa chen po'i mdo