| e-texts navigator |
| བོད་ཡིག |
27b1 des 'di skad ces bka' stsal to/ /rigs kyi bu khyed rnams de skad ces ma 'dzer cig /de ci'i phyir zhe na/ rigs kyi bu dag sangs rgyas kyi zhing 'di na gang bskal pa brgya stong du tshangs par spyod pa la gnas pa
27b2 bas mi 'jed kyi 'jig rten gyi khams na gang snga dro'i dus cig sems zhe sdang med par gnas na de bas de shin tu mchog go/ /de ci'i phyir zhe na/ 'jig rten gyi khams de ni de tsam du kun nas nyon mongs par gyur pa ste/
27b3 sems can de dag kyang de tsam du gtse ba mang zhing kun nas nyon mongs pa mang ba yin no/ /de nas sangs rgyas kyi zhing de nas byang chub sems dpa' stong phrag bcu gnyis tshangs pa khyad par sems dang lhan gcig tu chas te/
27b4 tshangs pa bdag cag kyang mi 'jed kyi 'jig rten gyi khams der mchi'o/ /bsam pa 'di dag kyang rnam par sbyong ngo / /bcom ldan 'das shAkya thub pa de la yang blta'o/ /phyag bgyi'o/ /bsnyen bkur bgyi'o/ /mnyam par
27b5 bzhag pa'i bye brag gis kyang sangs rgyas kyi zhing der gnas par bgyi'o/ /de nas tshangs pa khyad par sems byang chub sems dpa' stong phrag bcu gnyis dang lhan cig tu bcom ldan 'das de bzhin gshegs pa zla 'od kyi zhabs
27b6 la mgo bos phyag 'tshal nas 'di lta ste/ skyes bu stobs dang ldan pa'i lag pa bskum pa las brkyang ba 'am/ brkyang ba las bskum pa'i skad cig yud tsam thang cig de tsam gyis sangs rgyas kyi zhing der mi snang bar
27b7 gyur nas bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas kyi zhing 'dir phyin to/ /de nas bcom ldan 'das kyis byang chub sems dpa' dra ba can gyis 'od la bka'
27b8 stsal pa/ dra ba can gyi 'od khyod kyis tshangs pa khyad par sems 'ong ba mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ dra ba can gyi 'od tshangs pa khyad par sems
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo