| e-texts navigator |
| བོད་ཡིག |
27a1 gyi khams der byang chub sems dpa' bye ba phrag mang po yang phyin gyis de'i dus la dbab par shes na khyod song shig / tshangs pa sangs rgyas kyi zhing der lhag pa'i bsam pa bcu rnams kyis gnas par bya'o/ /
27a2 bcu gang zhe na/ snyan par smra ba dang / ngan du smra ba rnams la khong khro ba med pa'i sems dang / snyan pa thos pa dang / mi snyan pa thos pa la byams pa'i sems dang / dus thams cad du sems can rnams la snying rje ba'i
27a3 sems dang / sems can rab 'bring tha ma rnams la yang dag par sbyor ba dang / ri mo byed pa dang / brnyas par byed pa rnams la sems mnyam pa dang / gzhan gyi ltung ba'i 'khrul pa thams cad la nyes par mi lta ba dang /
27a4 theg pa sna tshogs la ro gcig pa dang / ngan song gi sdug bsngal thams cad kyi sgras mi skrag pa dang / byang chub sems dpa' thams cad la ston par 'du shes pa dang / sangs rgyas kyi zhing snyigs ma lnga can na de bzhin
27a5 gshegs pa mthong ba la ngo mtshar du 'du shes pa ste/ tshangs pa lhag pa'i bsam pa bcu po de dag gis sangs rgyas kyi zhing der gnas par bya'o/ /de nas bcom ldan 'das la tshangs pa khyad par sems kyis 'di skad ces gsol
27a6 to/ /bcom ldan 'das kyis spyan sngar bdag seng ge'i sgra mi sgrog ste/ 'on kyang bdag gis spyod pa gang lags pa'i spyod pa 'di la bcom ldan 'das nyid mngon sum du gyur pas bcom ldan 'das bdag gis lhag pa'i
27a7 bsam pa de dag kyang rnam par sbyang zhing mnyam par bzhag pa'i bye brag gis kyang sangs rgyas kyi zhing der gnas par bgyi'o/ /de nas bcom ldan 'das de bzhin gshegs pa zla 'od kyi sangs rgyas kyi zhing de'i byang chub sems dpa' gzhan
27a8 dag gis kyang bcom ldan 'das la 'di skad ces gsol to/ /bcom ldan 'das de ltar sems can ma rungs pa rnams tshogs pa'i sangs rgyas kyi zhing der bdag cag ma skyes pa ni rnyed pa legs par rnyed do/ /bcom ldan 'das
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo