rKTs

e-texts navigator

Volume

Page

24b₁ de ci'i phyir zhe na/ dra ba can gyi 'od de bzhin gshegs pa la rab tu zhi ba'i rnam par bkod pa zhes bya ba'i 'od zer yod de/ 'od zer des reg pa'i sems can rnams de bzhin gshegs pa'i sku la yang blta
24b₂ zhing rtog la de dag gi mig gi dbang po yang nyams par mi 'gyur ro/ /dra ba can gyi 'od de bzhin gshegs pa la mi 'jigs pa spobs pa zhes bya ba'i 'od zer yod de/ 'od zer des reg pa'i sems can rnams de bzhin
24b₃ gshegs pa la kun 'dri zhing phyir 'dri bar byed do/ /dra ba can gyi 'od de bzhin gshegs pa la dge ba'i rtsa ba bstsags pa zhes bya ba'i 'od zer yod de/ 'od zer des reg pa'i sems can rnams 'khor los sgyur ba'i rgyal
24b₄ po'i rgyal srid thob par bya ba'i phyir de bzhin gshegs pa la kun 'dri'o/ /de bzhin du sbyar te/ 'od zer dge ba'i rnam par bkod pa zhes bya ba'i 'od zer des reg pa'i sems can rnams brgya byin thob par bya ba'i phyir de bzhin
24b₅ gshegs pa la kun 'dri'o/ /'od zer bdag po thob pa zhes bya ba'i 'od zer des reg pa'i sems can rnams tshangs pa'i 'jig rten du skye bar bya ba'i phyir de bzhin gshegs pa la kun 'dri'o/ /'od zer nyon mongs pa
24b₆ med par gyur pa zhes bya ba'i 'od zer des reg pa'i sems can rnams de bzhin gshegs pa la nyan thos kyi theg pa kun 'dri'o/ /'od zer rtse gcig pa dben pa dang ldan pa zhes bya ba'i 'od zer des reg pa'i sems can rnams
24b₇ de bzhin gshegs pa la rang sangs rgyas kyi theg pa kun 'dri'o/ /'od zer thams cad mkhyen pa'i ye shes su dbang bskur ba thob pa zhes bya ba'i 'od zer des reg pa'i sems can rnams de bzhin gshegs pa la theg
24b₈ pa chen po sangs rgyas kyi theg pa kun 'dri'o/ /'od zer khyad par du 'gro ba zhes bya ba'i 'od zer des de bzhin gshegs pa byon pa 'am bzhud pa'i zhabs kyi mthil gyi sems can gang la reg pa de dag shi 'phos ma

_{iiif viewer powered by OpenSeadragon}

24a - 25a

Texts on this page