rKTs

e-texts navigator

Volume

Page

24a₁ 'khor brgya stong du mas bskor cing mdun du bdar nas chos ston to/ /de nas byang chub sems dpa' gzhon nur gyur pa dra ba can gyi 'od bla gos phrag pa gcig tu gzar te/ pus mo g.yas pa'i lha nga
24a₂ sa la btsug nas bcom ldan 'das ga la ba de logs su thal mo sbyar ba btud de/ stong gsum gyi stong chen po'i 'jig rten gyi khams rab tu g.yo bar byas nas/ stong gsum gyi stong chen po'i 'jig rten gyi
24a₃ khams kyi sems can thams cad la bltas nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na bdag bcom ldan 'das
24a₄ de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa' dra ba can gyi 'od la 'di skad ces bka'
24a₅ stsal to/ /dra ba can gyi 'od khyod ci dang ci 'dod pa de bzhin gshegs pa la dris shig dang / dris pa de dang de nyid lung bstan pas ngas khyod kyi sems rangs par bya'o/ /de skad ces bka' stsal pa dang / bcom ldan 'das la
24a₆ byang chub sems dpa' dra ba can gyis 'od kyis 'di skad ces gsol to/ /bcom ldan 'das kyi sku ni blta bas mchog mi shes pa kha dog nyi ma bye ba khrag khrig brgya stong bas lhag pa lags te/ bcom ldan 'das
24a₇ bdag ni de bzhin gshegs pa'i sku blta ba'am brtag par nus pa 'di ni ngo mtshar to snyam bgyid do/ /bcom ldan 'das yang bdag ni de bzhin gshegs pa'i sku blta ba'am rtog pa de dag thams cad ni sangs rgyas kyi
24a₈ mthu'o snyam bgyid do/ /bcom ldan 'das kyis bka' stsal pa/ dra ba can gyi 'od ji skad zer ba de bzhin te/ de bzhin gshegs pas skabs ma phye bar de bzhin gshegs pa'i sku blta ba'am brtag par mi nus so/ /

_{iiif viewer powered by OpenSeadragon}

23b - 24b

Texts on this page