rKTs

e-texts navigator

Volume

Page

22a₁ chos smra ba la sdang ba dang / mngon par brtson pa med par dad pas byin pa len pa ste/ rgyal po chen po bzhi po de dag ni bstan pa 'di la rab tu byung ba'i g.yang sa yin no/ /de nas bcom ldan 'das kyis de'i tshe tshigs su bcad
22a₂ pa 'di dag bka' stsal to/ /sangs rgyas som nyis za ba g.yang sa'i mchog /'jig rten kun gyis skyabs byed mi nus te/ /blo chung de ni bstan las nyams gyur pas/ /mgon med de ni ngan 'gror 'gro bar 'gyur/ /des ni chos kyang
22a₃ spangs pas ngan song 'gro/ /lo ni stong las mi nyung bar du yang / /dmus long dbang po dman zhing sems kyang nyams/ /sdug bsngal chen po 'di ni g.yang sa gnyis/ /sangs rgyas chos 'dzin mi 'jigs gang yin pa/ /thams cad
22a₄ mkhyen pa'i ye shes skyong byed pa/ /de dag skur 'debs g.yang sa chen po gsum/ /bskal pa bye ba mang por myong bar 'gyur/ /de ni dad pas byin pa mi rigs spyod/ /de ni g.yang sa chen po bzhi pa yin/ /de ni 'jig rten sus
22a₅ kyang skyabs mi nus/ /sdig pa'i las can ngan song kun tu rgyug /bsam pa dag pa 'phags pa'i dag pa yin/ /byang chub g.yo med de ni sems kyi gzhi/ /smras pa tsam gyis byang chub mi 'thob kyi/ /sems kyang dag par bya zhes
22a₆ bde gshegs gsungs/ /bcom ldan 'das kyis chos kyi rnam grangs 'di bshad pa na srog chags lnga stong gis sngon ma bskyed pa las bla na med pa yang dag par rdzogs pa'i byang chub tu sems bskyed de mi skye ba'i chos rnams
22a₇ la yang bzod pa thob par gyur to rgyal po tshangs pas byin yang bla na med pa yang dag par rdzogs pa'i byang chub las phyir mi ldog par gyur te/ /srog chags 'bum ni chos rnams la chos kyi mig rdul med cing dri ma dang bral ba
22a₈ rnam par dag go/ /lha dung phyur gyis ni sngon ma bskyed pa las byang chub tu sems bskyed do/ /de nas bcom ldan 'das kyis de'i tshe 'dzum pa mdzad de/ /'di ni sangs rgyas bcom ldan 'das rnams kyi chos nyid de gang gi tshe 'dzum

_{iiif viewer powered by OpenSeadragon}

21b - 22b

Texts on this page