| e-texts navigator |
| བོད་ཡིག |
21b1 chung bar grags pa dang / byad ngan pa dang / tshe rabs thams cad du shas cher nad rgyun ring dang / khams ma snyoms te 'khrug pa dang / nyam thag pa'i skad kyis cho nge 'don pa dang / gshis ngan du 'chi bar 'gyur ro/ /de nas
21b2 tshe rabs kyi tha ma las shi 'phos nas 'jig rten gyi khams bde ba can du skye bar 'gyur te/ lo brgyad khri'i bar du de dag gis de bzhin gshegs pa tshe dpag med chos ston par thos la shes par ni mi 'gyur ro/ /de bzhin
21b3 gshegs pa de'i 'od mthong la de bzhin gshegs pa de ni mi mthong ngo / /de dag gi lus la 'od kyis phog par yang mi 'gyur ro/ /de dag gis gtan du rnam par dag par bya ba'i phyir nyin lan gsum mtshan lan gsum du byang
21b4 chub sems dpa' 'dus pa la yan lag lngas gtugs te/ nyes pa bshags nas gdod de'i 'og tu las de rnam par dag par 'gyur ro/ /de nas de bzhin gshegs pa yang mthong / chos kyang shes par 'gyur la/
21b5 byang chub tu lung bstan pa yang thob par 'gyur ro/ /de nas bcom ldan 'das la rgyal po tshangs pas byin gyis 'di skad ces gsol to/ /bcom ldan 'das dge slong de dag bsal du stsal bar bgyi'o/ /dge slong sdig can de lta bu dag
21b6 chags 'og thams cad du gags pa yang mi spro na/ mthong ba lta smos kyang ci 'tshal/ de nas rgyal po tshangs pas byin gyis zho shas 'tsho ba dag btang ste/ dge slong de dag bsal du bcug nas chags 'og thams cad du de dag mi
21b7 'dug par byas so/ /bcom ldan 'das 'di ni de dag gi tshe 'di'i rnam par smin pa lags so/ /de dag ni tshe phyi ma la yang bdag nyid kyis bdag nyid brdegs pa lags so/ /de skad ces gsol pa dang / bcom ldan 'das
21b8 kyis rgyal po tshangs pas byin la 'di skad ces bka' stsal to/ /rgyal po chen po bzhi po 'di dag ni bstan pa 'di la rab tu byung ba'i g.yang sa yin te/ bzhi gang zhe na/ sangs rgyas la ma gus pa dang / dam pa'i chos spong ba dang /
iiif viewer powered by OpenSeadragon
Texts on this page
J103 - 'phags pa tshangs pas byin gyis zhus pa zhes bya ba theg pa chen po'i mdo