| e-texts navigator |
| བོད་ཡིག |
178b1 thams cad la/ /shin tu brtan par gnas pa yin/ /brtan po de dag 'jig rten na/ /mya ngan 'das pa'ang reg gyur nas/ /mchod pa'i gnas su 'os par 'gyur/ /gang dag shes rab 'chal pa dang / /le lo can dang dman la brtson/ /thos pa nyung dang sbig pa 'dod/
178b2 nga rgyal tha ba khra 'gyur gnas/ /mgo la spu gri sten byed cing / /shing gis kha bsgyur chos gos gyon/ /stong pa nyid ni don med pa/ /de ni mkhas pa sgom mi byed/ /chos la sun 'byin theg chen gyi/ /bsngags pa ma yin rjod par byed/ /gang zhig chos 'di bstan
178b3 pa rnams/ /ji ltar bstan pa de bzhin du/ /nag po'i phyogs la kun tu chags/ /des ni ngan 'gror 'gro bar 'gyur/ /bcom ldan 'das kyis de skad ces bka' stsal nas/ tshe dang ldan pa yul 'khor skyong dang / dge slong de dag dang / lha dang mi dang /
178b4 lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa yul 'khor skyong gis zhus pa zhes bya ba theg pa chen po'i mdo/ rdzogs s+ho// //
178b5 @#/ /rgya gar skad du/ Ar+ya bi ku rban rA je pa ri prits+tshA nA ma ma hA yA na sU tra/ bod skad du/ 'phags pa rnam par 'phrul pa'i rgyal pos zhus pa zhes bya ba theg pa chen po'i mdo/ bam po dang po/ sangs rgyas dang byang chub sems
178b6 dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyen yod na rgyal bu rgyal byed kyi tshal mgon med zas sbyin gyi kun dga' ra ba na dge slong nyi khri'i dge slong gi dge 'dun mang po dang / byang chub
178b7 sems dpa' byams pa dang / spyan ras gzigs dbang phyug dang / mthu chen thob dang / seng ge blo gros dang / seng ge'i tog dang / seng ge'i rtsal gyis 'gro ba la sogs pa thams cad kyang skye ba gcig gis thogs pa khri dang yang thabs gcig tu
178b8 bzhugs te/ byang chub sems dpa' sems dpa' chen po rnam par 'phrul pa'i rgyal po yang de nyid du 'dus par gyur te 'dug go/ /yang de'i tshe bcom ldan 'das 'khor 'bum phrag du ma'i nang na 'di lta ste/ theg pa chen po la yang dag par zhugs pa nyid
iiif viewer powered by OpenSeadragon
Texts on this page
J110 - 'phags pa yul 'khor skyong gis zhus pa zhes bya ba theg pa chen po'i mdo
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo