rKTs

e-texts navigator

Volume

Page

177b₁ de dag ni bcos ma ste/ mgo bregs pas bcos pa dang / gos ngur smrig gyon pas bcos pa'o/ /rgyu gang gis bcos ma yin par shes par bya zhe na/ sangs rgyas bcom ldan 'das rnams kyis smad pa gang yin pa mi blun po de dag gi
177b₂ gnang bar byed de/ lo nyi shu ma lon par rdzogs par bsnyen par byed/ rang gi lag gis len par byed/ ma brtags pa la longs spyod par byed/ rang nyid g.yos dang 'tshed pa'i las byed/ gser dang dngul bdag gir byed/ khre rgod dang / 'bru
177b₃ la sogs pa bsogs par byed/ khyim gyi gzhi dang / zhing gi gzhi dang / kun dga' ra ba'i gzhi nyo tshong byed cing tshal za'i 'tsho ba sbyor bar byed/ khyim gyi gzhi dang / zhing gi gzhi dang / kun dga' ra ba'i gzhi len par byed de/ las kyi rnam par smin pa
177b₄ la yang yid mi ches shing so sor thar pa la yang ma dad nas de la 'bab de la bab de la bden par 'dzin de'i spyod lam byed/ ge sbyong du 'dra bar 'dzin cing gang na skye bo mang po yod pa der gcer bu pa dang / mtshungs par ston par byed/ gang zag tu lta
177b₅ ba bsngags par byed/ gang zag tu lta ba dang / gcer bu pa dang mtshungs par ston pas/ skye bo mang po 'dzud par byed cing 'god par byed/ sangs rgyas kyi spyod yul de bzhin gshegs pa'i gnas pa stong pa nyid la dmigs nas sun 'byin par byed/
177b₆ gshe bar byed par shes par bya'o/ /yul 'khor skyong de lta bu'i sems can dag 'byung bar 'gyur te/ de dag ni khyim pa yang ma yin/ dge sbyong yang ma yin te/ de dag gis ni de bzhin gshegs pa'i bstan pa 'di nub par byed do/ /de nas bcom ldan 'das
177b₇ kyis de'i tshe tshigs su bcad pa 'di dag bka' stsal to/ /dge slong tshul khrims rnams la bsdam/ /zhi zhing zhi ba'i gnas la dga'/ /so sor thar pa slob byed pa/ /de dag dge slong bram ze yin/ /chos rnams gtso bo blangs nas ni/ /ci yang med pa'i dge slong ba/ /
177b₈ bas mtha' dgon pa rnams su dga'/ /de dag dge slong bram ze yin/ /de dag bre mo gtam mi dga'/ /so sor thar rnams legs par bslabs/ /gang zag mchog la nyin mtshan du/ /bkur sti chen po byed pa yin/ /zhing yang mi rmed tshong mi byed/ /

_{iiif viewer powered by OpenSeadragon}

177a - 178a

Texts on this page